१५ लाख लगानीमा हेटौंडामा साइकल पसल

१९ कार्तिक, हेटौंडा । स्वस्थ्य रहन र वातावरण जोगाउनका लागि साइकल चढौं भन्ने नारा सहित हेटौंडाको कान्तिराजपथमा माउण्टेन बाइकको नयाँ पसल सुरु भएको छ । 
६ जनालगानीकर्ताले १५ लाख रुपैयाँमासुरु गरेको हिमालयन राईडर्स एण्ड एमटीबीसपको मकवानपुर उद्योग वाणिज्य संघका बरिष्ठ उपाध्यक्ष अनिल अग्रवालले बिहीबार उद्घाटन गरेका छन् । 
साइकल चढ्न प्रेरित गर्ने खालका बिभिन्न कार्यक्रम सहित सुरु गरिएको एमटीबी सपबाट रोहिणी एण्ड स्वस्तिक हाउजिङका संचालक पवन तिमल्सिना, न्यू पर्बत आर्टका संचालक रामकुमार श्रेष्ठ र पत्रकार महासंघ मकवानपुरका पूर्ब अध्यक्ष भानुभक्त आचार्यले पसल उद्घाटनको समयमा साइक लखरिद गरेको सपका संचालक राजु थापा मगरले जानकारी दिए ।
लक्षीपूजाको दिनदेखि साइकल बिक्री सुरु गरिएको र साइकल चढ्ने अभ्यासलाई निरन्तरता दिने खालका बिभिन्न योजना अघि सारिने सपका अर्का संचालक लक्ष्मीचरण श्रेष्ठले जानकारी दिए । क्यानेडियन कम्पनीको लियोक्स, ईण्डोनेसियन कम्पनीको पोलिगन र युरोपियन कम्पनीका माउण्टेन बाईकहरु उपलब्ध रहेको चेतनाथ आचार्यले जानकारी दिए । 
बालबालिकाकालागि उपयोगी साइकलहरु पनि उपलब्ध रहेको संचालकहरुले जानकारी दिएको छन् । लक्ष्मी पूजाको अबसर पारेर सुरु भएको एमटीबी सप कान्तिराजपथको कृषि विकास बैंक नजिकै रहेको छ । माउण्टेन बाईक किन्न आउने ग्राहकलाई बिक्री पछिका सेवा पनि दिईने संचालक आचार्यले जानकारी दिए ।