चिसापानीको कारोबार ६ करोड

३ असोज, हेटौंडा । हेटौडा–१६ मा रहेको चिसापानी बचत तथा ऋण सहकारी संस्थाले आव ०७३/०७४ मा ६ करोड ४३ लाखको कारोवार गर्न सफल भएको छ । संस्थाले चालु आव ०७४÷०७५ मा ७ करोड १४ लाखको कारोवार गर्ने लक्ष्य राखेको छ । 
संस्थाको मंगलवार सम्पन्न आठौं वार्षिक साधारण सभाको अवसरमा लेखा परीक्षण प्रतिवेदन प्रस्तुत गर्दै संस्थाका कोषाध्यक्ष प्रलाद घिमिरेले सो कुराको जानकारी गराउनु भएको हो । निक्षेप संकलन ३ करोड ६४ लाख, ऋण असुली १ कोड ९० लाख, लगानीबाट व्याज प्राप्त ३१ लाख, शेयर विक्री १७ लाख, विलम्व शुल्क २ लाख रहेको छ ।
साधारण सभामा संस्थाका अध्यक्ष कृष्णप्रसाद सापकोटाले संस्थागत प्रतिवेदन, लेखा संयोजक गोविन्द दहालले लेखा समितिको प्रतिवेदन,ऋण उपसमितिका संयोजक श्रीकृष्ण आचार्यले ऋण उपसमितिको प्रतिवेदन प्रस्तुत गरेका थिए । साधारण सभामा ज्येष्ठ सदस्य हरिप्रसाद अर्याल, उत्कृष्ठ बचतकर्ता ललिता अधिकारी, चन्दा गौतम,उत्कृष्ठ कारोवारी चण्डिका आचार्य, विमला राई, २०७३ सालको एसईईमा उत्कृष्ठ अंक ल्याउने सुविना चापागाई, साकार गजुरेल,अनिशा गजुरेल र बैठकमा धेरै पटक उपस्थिति हुने सञ्चालक सदस्य श्रीकृष्ण आचार्यलाई पुरस्कृत गरिएको थियो ।
डिभिजन सहकारी कार्यालय,मकवानपुरका सहकारी निरीक्षक अश्विनकुमार अर्यालको प्रमुख आतिथ्यतामा भएको भेलामा हेटौडा–१७ का वडा अध्यक्ष भैरवबहादुर राई, १६ का वडा अध्यक्ष रामकृष्ण कोईराला, मकवानपुर जिल्ला सहकारी संघका सञ्चालक सदस्य अर्जुनप्रसाद वाग्ले, किसान दुग्ध उत्पादक सहकारी संस्थाका अध्यक्ष बद्री भण्डारी,गरिवी निवारण बचत तथा ऋण सहकारी संस्थाका सचिव कृष्णप्रसाद सापकोटा,संस्थाका सल्लाहकार जयप्रकाश घिमिरे लगायतकाले मन्तव्य व्यक्त गरेका थिए ।