जनकल्याणका नवनिर्वाचित पदाधिकारीको सपथ

१७ मंसिर,हेटौडा । हेटौडा–६ चौघडामा रहेको जनकल्याण बचत तथा ऋण सहकारी संस्थाका नवनिर्वाचित पदाधिकारीहरुले सपथ लिएका छन।शुक्रवार संस्थामा आयोजित कार्यक्रममा आफनो पद तथा गोपनियताको शपथ लिएका हुन। 

संस्थाका संस्थापक अध्यक्ष बासुदेव अधिकारीको प्रमुख आतिथ्यता एवम निर्वाचन समितिका संयोजक गणेश कुमार श्रेष्ठको सभाध्यक्षतामा कार्यक्रम भएको थियो । कार्यक्रममा संस्थाका निवर्तमान अध्यक्ष रघुप्रसाद आचार्य,नौलो विहानी कृषि सहकारी संस्थाका अध्यक्ष भरत सापकोटा,निर्वाचन समितिका सदस्य बद्री भण्डारी, गौरबकुमार पराजुली लगायतकाले मन्तव्य ब्यक्त गरेका थिए ।

संस्थाको मंसिर ११ गतेका दिन सम्पन्न भएको २५ औं वार्षिक साधारणसभाले हिमाल पौडेलको अध्यक्षतामा ११ सदस्यीय नयाँ सञ्चालक समिति सर्वसम्मत चयन गरेको थियो ।समितिको उपाध्यक्षमा श्यामप्रसाद भट्टराई, सचिवमा रोम बहादुर न्यौपाने, कोषाध्यक्षमा चेतनाथ खतिवडा चयन भएका छन । यसैगरि सदस्यहरुमा रेखा मैनाली,टुककुमारी चौलागाँई, चण्डीका ढकाल, निर्मला तिमल्सिना, यतिराज दंगाल, विजय पौडेल  र सुन्दरराज आचार्य चयन भएका थिए।लेखा सुपरिवेक्षण समितिको संयोजकमा दिपनराज आचार्य र सदस्यहरुमा रामशरण पौडेल र प्रकाश ढुङगाना चयन भएका थिए ।