क्लासिकटेकको ब्राण्ड एम्बेस्डरमा कलाकार कार्की

२७ मंसिर, काठमाडौं । नेपालको अग्रणी र ठूलो इन्टरनेट सेवा प्रदायक कम्पनी क्लासिक टेकले नयाँ ब्राण्ड एम्बेस्डरमा कलाकार बिपिन कार्की नियुक्त गरेको छ ।
ब्राण्ड एम्बेस्डर नियुक्त सम्बन्धि सम्झौतामा कम्पनीका तर्फबाट प्रमुख सेल्स एण्ड मार्केटिङ अफिसर बिनय कुमार अधिकारी र कलाकार बिपिन कार्कीले हस्ताक्षर गरेका हुन् ।
लोकप्रिय अभिनेता बिपिन कार्कीका छाड्के, पशुपति प्रसाद, जात्रौ जात्रा, सेल्फी किङ लगायतका चलचित्रले सफलता प्राप्त थियो । बहुमुखी प्रतिभाका धनी उहाँको फिल्मी यात्रा थिएटर कलाकारबाट सुरु भएको थियो ।
उनको सफलता, लगाव एवं क्षमताको कदर गर्दै कम्पनीको व्यवसायिक सामाजिक उतरदायित्व अन्तर्गत ब्राण्ड एम्बेस्डरमा नियुक्त गरिएको हो । करोडौँ दर्शक स्रोता माझ लोकप्रिय अभिनेता कार्की सँगको सम्बन्धले कम्पनीले नयाँ उचाई प्राप्त गर्ने क्लासिकटेकले जनाएको छ ।
सन् २००९ मा सुरू भएको क्लासकिटेकले १२ बर्षमा ७४ वटा जिल्लामा सेवा  सञ्चालनमा ल्याएको छ ।
कस्टमर सपोर्टमा विशेष प्राथमिकता दिंदै आइरहेको क्लासिकटेकले सुगमदेखि ग्रामीण क्षेत्रसम्म आफ्नो सेवा विस्तार गरेको जनाएको छ । लकडाउन भएसँगै इन्टरनेटको महत्व बढे सँगै धमाधम आउटलेट विस्तार गर्दै ग्राहकहरूलाई छिटो र छरितो सेवा दिइरहेको जनाएको छ ।
कम्पनीले निकट भविष्यमा ५०० एमबिपिएस 500 सम्मको उच्च गतिको इन्टरनेट सेवा रहेका गाँउघरमा पुर्याउने र सुलभ मुल्यमा नेपालीको पहुँचमा पुर्‍याउने ढंगले काम अघि बढाएको जनाएको छ ।