पार्टीलाई एकतावद्ध पार्न भूमिका खेल्छुः नव निर्वाचित महामन्त्री थापा

१ पुस, हेटौंडा । नेपाली कांग्रेसका नवनिर्वाचित महामन्त्री गगनकुमार थापाले आगामी दिनमा पार्टीलाई एकतावद्ध र सुदृढ बनाएर अघि बढाउने बताएका छन् ।
पार्टीको महामन्त्रीमा निर्वाचित भएसँगै बिहीवार पार्टी केन्द्रीय कार्यालयमा संक्षिप्त रुपमा बोल्दै महामन्त्री थापाले अधिवेशनमा प्रतिस्पर्धाका क्रममा आफ्नै साथीहरुका विचमा बढेको दुरीलाई कम गर्दै पार्टीलाई एकतावद्ध र सुदृढ पार्टीको रुपमा अगाडी बढाउने बताए ।
उनले पार्टीमा नजोडिएकाहरुलाई पार्टीमा जोड्न प्रेरित गर्ने उल्लेख गर्दै पार्टीका सबै पदाधिकारीहरु मिलेर पार्टी सभापतिलाई बल पु¥याएर र घच्घचाएर सही ठाउँमा उभ्याउने पनि बताए ।
नवनिर्वाचित महामन्त्री थापले आफुसँग एकदिन पनि चुक्ने सुविधा नरहेको उल्लेख गर्दै पाएको जिम्मेवारी इमान्दारितापूर्वक र परिपक्व ढंगले निर्वाह गर्ने प्रतिवद्धता व्यक्त गरे ।
महामन्त्री थापाले आफुले अघि सारेको ‘समुन्नत नेपालः सम्मानित नेपाली’ को कार्यक्रमलाई पार्टीकै कार्यक्रम बनाउन प्रयास गर्ने पनि स्पष्ट पारे ।
बिहीवार सम्पन्न मतगणनामा थापा तीन हजार २३ मत सहित महामन्त्रीमा विजयी भएका हुन् । गएको सोमवार भएको मतदानमा कुल चार हजार ६ सय ८२ मत खसेको थियो ।