बागमति गाउँपालिकामा सामुदायीक आँखा केन्द्रको सुरुवात

३ पुस, हेटौंडा । बागमति गाउँपालिकाको झुरझुरेमा शुक्रबारबाट सामुदायीक आँखा केन्द्र सञ्चालनमा ल्याइएको छ । गाउँपालिका र हेटौंडा सामुदायिक आँखा अस्पतालको सहकार्यमा शुक्रबार सामुदायिक आँखा केन्द्रको उद्घाटन गरिएको हो ।
केन्द्रको बागमती गाउँपालिकाका अध्यक्ष सर्केश घलान र तिलगंगा आँखा प्रतिष्ठानका प्रमुख संचालन अधिकृत पिताम्बर अधिकारीले संयुक्त रुपमा उद्घाटन गरेका हुन् । शुक्रबारबाटै आँखाको जाँच समेत सुरु गरिएको छ ।
उद्घाटन कार्यक्रममा अध्यक्ष घलानले केन्द्र सञ्चालनमा आएपछि गाउँपालिका र आसपासका सर्वसाधरणलाई आँखा परिक्षणका लागी हेटौंडासम्म पुग्नुपर्ने बाध्यता हट्ने बताए । उनले समयानुसार केन्द्रको सेवा विस्तारमा सहयोग गर्दै जाने प्रतिवद्धता व्यक्त गरे । 
कार्यक्रमा, नेपाल आँखा कार्यक्रमका कार्यकारणी सदस्य सिद्विलाल श्रेष्ठ, बागमति गाउँपालिकाकी उपाअध्यक्ष धनमाँया स्याङतान, बागमति गाउँपालिका कार्यकारि अधिकृत दिलीपकुमार श्रेष्ठ, नेत्र रोग बिशेसज्ञ डा. होमबहादु गुरुङ, बागमति गाउँपालिका लेखा अधिकृत झम्क नारायण घलान, नेकपा  माओबादि केन्द्र बागमती गाउँपालिका अध्यक्ष अरुण बल लगायतको उपस्थिती रहेको थियो ।