देश विकासका लागी नेतृत्व परिवर्तन आवस्यकः समाजवादी संयोजक कार्की

४ पुस, हेटौंडा । नेपाल कम्युनिष्ट पार्टी (समाजवादी) का केन्द्रीय संयोजक राजु कार्कीले पुराना पार्टी र पुराना नेताहरुको नेतृत्वले देशमा परिवर्तन सम्भव नभएको दावी गरेका छन् ।
शनिवार हेटौंडास्थित न्युज क्लब नेपालमा पत्रकार सम्मेलन गर्दै संयोजक कार्कीले पुराना पार्टी र पुराना नेताहरुको नेतृत्वले देशमा परिवर्तन र जनताको जनचाहान पुरा नहुने दावी गर्दै परिवर्तन आवस्यक रहेको बताए । उनले राज्यले नागरिकलाई दिनुपर्ने न्युनतम अधिकार समेत दिन नसकेको उल्लेख गर्दै आफुहरु वैज्ञानिक समाजवादको लक्ष्य सहित पार्टी संगठित अभियानमा रहेको जानकारी दिए ।
उनले आफ्नो पार्टी सत्तामा जाने लोभले नबनेको दावी पनि गरे । जनताको हकहितको लागि काम गर्न आफुहरुसंगठिन हुँदै गएको बताउँदै संयोजक कार्कीले हालसम्म ६३ जिल्लामा पार्टी कमिटी गठन गरेको जानकारी दिए । उनले गएको असारमा पार्टी गठन गरेको र अहिलेसम्म १ लाख संगठित सदस्य भईसकेको बताउँदै आगामी ५ वर्षमा ५ लाख सदस्य बनाउने दावी गरे ।
पत्रकार सम्मेलनमा बागमती ईन्चार्ज ईन्द्र प्रसाद तिमल्सिना,सुदूर पश्चिम ईन्चार्ज नरेन्द्र जोशी केन्द्रीय कार्यलय सदस्य बालकृष्ण चौलागाई लगाएतको उपस्थिति रहेको थियो । कार्यक्रममा सेक्रेटरी दीप लामाको नेतृत्वमा ५१ सदस्सीय बागमती प्रदेश कमिटी घोषणा समेत गरिएको थियो ।