मंगलबारबाट बदलिएको मौसम आजबाट सामान्य हुने

google

१५ पुस, हेटौंडा । मंगलबारदेखि बदलि भएको देशभरीको मौसम आजबाट विस्तारै सामान्य हुँदै जाने मौसम पूर्वानुमान महाशाखाले जनाएको छ । आज विहानैबाट देशभरी कै मौसम खुल्दै गएको छ । 
मंगलबार र बुधबार पानी र हिउँ पारेको पश्चिमी वायु कमजोर हुँदै गएकाले मौसम खुल्दै गएको महाशाखाका मौसमविद् मन्जु बासीले जानकारी दिइन् । उनका अनुसार यो प्रणाली कमजोर हुँदै गएकाले हिउँ र पानी पर्ने क्रम कम हुँदै गएको हो । तर जलवाष्पयुक्त हावा बाँकी नै रहेकाले आजपनि थोरै ठाउँमा वर्षा र हिमपात हुने सम्भावना भने कायमै रहेको छ । 
यद्यपी मंगलबार (हिजो)को जस्तो लगातार झरीको सम्भावना भने कतैपनि नरहेको मौसमविद् बासीले बनाईन । आज विशेषगरी पहाडी भूभागको थोरै ठाउँमा हल्का वर्षा र उच्च पहाडी तथा हिमाली भूभागहरुका केही ठाउँमा हिमपात भने हुने देखिएको मौसमविद् बासीको भनाइ छ । देशका अरु ठाउँमा पनि घाम लाग्दै बादल लाग्ने उनले बतार्यन । 
यस्तै राति प्रदेश १, बाग्मती र गण्डकी प्रदेशका उच्च पहाडी तथा हिमाली भूभागका थोरै ठाउँमा हल्का हिमपातको पनि सम्भावना रहेको मौसम पुर्वानुमान महाशाखाले जनाएको छ । यसैबीच देशका धेरै ठाउँमा हिमपात र वर्षा भएपछि न्यूनतम तापक्रमसँगै अधिकतम तापक्रम पनि घटेकाले चिसो बढेको छ । चिसो बढेसँगै देशभरको जनजीवन प्रभावित भएको छ ।