चुच्चेखोला वन सहकारीको अध्यक्षमा पुनः कटुवाल

१७ पुस, हेटौंडा । हेटौंडा–६ चुच्चेखोलामा रहेको चुच्चेखोला सामुदायिक वन उपभोक्ता बचत तथा ऋण सहकारी संस्था लिमिटेडको १६ औं वार्षिक साधारणसभा शनिवार सम्पन्न भएको छ ।
साधारणसभामा संस्थाका अध्यक्ष लक्ष्मण कटुवालले संस्थागत प्रतिवेदन, लेखा समितिकी सदस्य गोपिनी चौलागाईले लेखा सुपरीवेक्षण समितिको प्रतिवेदन, ऋण समितिका संयोजक धनबहादुर गौतमले ऋण समितिको प्रतिवेदन र व्यवस्थापक रीता फुयालले चालु आवको आर्थिक प्रतिवेदन र आव ०७८/०७९ को लागि करिब २ करोड ५० लाखको अनुमानित आयव्यय विवरण प्रस्तुत गरेका थिए ।
भेलामा उत्कृष्ट बचतकर्तामा देवकी ढकाल  उत्कृष्ट ऋणीमा राम बहादुर प्रजा, छलिमाया राई, टेकराज दुलाल र उत्कृष्ट विधार्थीमा समिप घिमिरे, सुरुची भट्टराईलाई सम्मान गरिएको थियो । हेटौंडा–१७ का वडा अध्यक्ष भैरवबहादुर राईको प्रमुख आतिथ्यता एवम सहकारीका अध्यक्ष लक्ष्मण कटुवालको अध्यक्षतामा कार्यक्रम भएको थियो । साधारण सभामा  चुच्चेखोला सामुदायिक वन उपभोक्त समूहका कार्यालय सचिव केदार प्रसाद गौतम, संस्थाका उपाध्यक्ष अर्जुन प्रसाद देवकोटा, हेटौंडा नगर कार्यपालिका सदस्य कृष्ण बहादुर राई, कामधेनु बहुद्देश्यीय ऋण सहकारीका निवर्तमान अध्यक्ष गौरवकुमार पराजुली, प्रगतिशिल महिला आपसी विकास संस्थाकी व्यवस्थापक कल्पना पराजुली लगायतले मन्तव्य व्यक्त गरेका थिए ।
भेलाले पुनः लक्ष्मण कटुवाल नेतृत्वमा ९ सदस्य नयाँ कार्य समिति चयन गरेको छ । समितिको उपाध्यक्ष अर्जुनप्रसाद देवकोटा, सदस्यहरुमा कल्पना पराजुली, सरिता खड्का गौतम, धनबहादुर गौतम, रामप्रसाद गौतम, भीमप्रसाद वाग्ले, मनमाया राई र गोकर्ण राई रहेका छन् । त्यस्तै, कुमारमणि दाहाल संयोजक, रोशन घिमिरे र पार्वती चौलागाई सदस्यमा चयन भएको निर्वाचन समितिका संयोजक रमेशकुमार घिमिरेले जानकारी दिए ।