रानी वनको २५ औं साधारणसभा सम्पन्न

१७ पुस, हेटौंडा । हेटौंडा–६ चौघडामा रहेको रानी सामुदायिक वन उपभोक्ता समूहले २५ औं वार्षिक साधारणसभा शनिबार सम्पन्न गरेको छ।  
हेटौंडा वडा नम्बर ६ का वडाध्यक्ष अर्जुन प्रसाद चौलागाईको प्रमुख आतिथ्यता एवम समूहका अध्यक्ष विष्णुप्रसाद न्यौपानेको अध्यक्षतामा साधारणसभा सम्पन्न भएको हो ।
साधारणसभामा समूहका अध्यक्ष विष्णु प्रसाद न्यौपानेले संस्थागत प्रतिवेदन, सचिव नानीमाया रुम्वाले समुहको प्रगति प्रतिवेदन, कोषाध्यक्ष गोमा लामिछाने चालु आर्थिक वर्ष २०७८/०७९ का लागि करीव ६१ लाख ४३ हजारको अनुमानित आयव्यय विवरण, लेखा समितिका संयोजक श्यामकुमार श्रेष्ठले लेखा समितिको प्रतिवेदन र कार्यालय सचिव भीमसेन पौडेलले लेखापरीक्षण प्रतिवेदन प्रस्तुत गरेका थिए ।
कार्यक्रममा डिभिजन वन कार्यालय मकवानपुरका सहायक डिभिजन वन अधिकृत वसन्तराज गौतम, सव–डिभिजन कार्यालय हेटौंडाकी सहायक वन अधिकृत गायत्री शर्मा, फरेष्टर यदुनाथ घिमिरे, फेकोफन बागमती प्रदेश सदस्य खडानन्द चौलागाई, जिल्ला दुग्ध उत्पादक सहकारी अध्यक्ष वासुदेव अधिकारी, फेकोफन मकवानपुर अध्यक्ष साधुराम चौलागाई, अशोक सामुदायिक वन उपभोक्ता समूहका अध्यक्ष बलराम अधिकारी, कामधेनु बहुउद्धेश्यीय सहकारीका अध्यक्ष उदय विडारी, जनकल्याण बचत तथा ऋण सहकारीका अध्यक्ष हिमाल पौडेल, नौलो बिहानी सहकारीका अध्यक्ष भरत सापकोटा, सुनगाभा शिक्षा निकेतन सहकारी अध्यक्ष रामहरि न्यौपाने, वंशगोपाल दुग्ध उत्पादक सहकारी अध्यक्ष श्याम प्रसाद न्यौपाने, समूहका सल्लाहकार कृष्ण विडारी, सुनौलो महिला समूह अध्यक्ष पवित्रा रुम्बा, उन्नति समूहकी अध्यक्ष विमला कुमारी दंगाल तथा समूह उपाध्यक्ष केशव धिताल लगायतले मन्तव्य व्यक्त गरेका थिए । कार्यक्रममा पत्रकार सहित २१ जनालाई सम्मान गरिएको थियो । वन समूहमा ९ सय उपभोक्ताहरु आबद्ध रहेका छन् ।