मनाङले बिग्रेड ब्वाइजलाई हरायो, एएफसी छनोट सम्भावना कायम

१८ पुस, हेटौंडा । ब्रिगेड ब्वाइज क्लबलाई १ –० ले हराउदै मनाङ मस्र्याङ्दी क्लब लिगको शीर्ष स्थानमा उक्लेको छ । शनिवार पोखरास्थित घरेलु मैदानमा मनाङका अञ्जन विष्टले ब्रिगेड ब्वाइज विरुद्ध गरेको निर्णायक गोलले मनाङ मस्र्याङ्दी क्लबलाईसहिद स्मारक ‘ए’ डिभिजन लिगको शीर्ष स्थानमा पु¥याएको हो । 
पोखरा रंगशाला फुटबल मैदानमा अञ्जनले पहिलो हाफको इन्जुरी समयमा गरेको गोल नै जितका लागि निर्णायक बन्यो । उक्त जितसँगै मच्छिन्द्रलाई पछि पार्दै मनाङ लिगको शीर्ष स्थानमा उक्लिएको छ । यस सँगै मनाङको १६ अंक पुगेको छ मच्छिन्द्रको १४ अंक छ । 
एएफसी च्यालेन्ज कपका लागि छनोट हुन मनाङको सम्भावना बलियो बन्दै गएको छ । सातौं चरणको खेल अन्तर्गत मच्छिन्द्रले आइतबार पुलिससँग खेल्नेछ । मच्छिन्द्र र पुलिसबीचको खेलले नै मनाङ एएफसीका लागि छनोट हुने÷नहुने निर्धारण गर्नेछ ।
एन्फाले सातौं चरणको खेलसम्म एएफसी लाइसेन्सप्राप्त क्लबमध्ये शीर्ष स्थानमा हुने टिम एएफसी च्यालेन्ज कपको लागि छनोट हुने निर्णय गरेको थियो । मच्छिन्द्रले पुलिसलाई हराउँदा ३ अंक जोडिएर १७ पुग्छ । यसो हुँदा मच्छिन्द्र नै छनोट हुन्छ । 
मच्छिन्द्रलाई पुलिसले बराबरीमा रोक्यो भने एक–एक अंक बाँडिदा मच्छिन्द्रको १५ अंक मात्रै पुग्छ । त्यसो भयो भने मनाङ एएफसी च्यालेन्ज कपका लागि छनोट हुन्छ ।