आगामी  चुनावका लागी देशभर मुख्य निर्वाचन अधिकृत नियुक्त

१८ असोज,हेटौँडा । निर्वाचन आयोगले आगामी मंसिर १० र २१ गते हुने संघ र प्रदेशसभा चुनावको लागि भन्दै १ सय ६५ मुख्य निर्वाचन अधिकृत नियुक्त गरेको छ । आयोगले हरेक निर्वाचन क्षेत्रमा एक–एक जना रहने गरी मुख्य निर्वाचन अधिकृत नियुक्त गरेको हो ।

जिल्ला न्यायाधीश तथा नेपाल न्याय सेवाका राजपत्र द्वितीय श्रेणीका अधिकृतलाई मुख्य निर्वाचन अधिकृत र निर्वाचन अधिकृतमा नियुक्त गरिएको निर्वाचन आयोगले जनाएको छ । आयोगले संघ र प्रदेशसभा चुनावको लागि भन्दै १ सय ६५ मुख्य निर्वाचन अधिकृत नियुक्त गरे सगै मकवानपुरको मुख्य निर्वाचन अधिकृतका रुपमा जिल्ला अदालतका मुख्य न्यायाधीश खडानन्द तिवारी नियुक्त भएका छन भने निर्वाचन अधिकृतका रुपमा अख्तियार दुरपयोग अनुसन्धना आयोग टंगालका उप न्यायाधिवक्ता चन्द्र  कान्त खनाल नियुक्त भएका छन।

बुधबार नियुक्ती पाएका अधिकृतलाई अभिमुखिकरण तालिम दिएपछि कात्तिक १ गतेअघि नै १ सय ६५ निर्वाचन क्षेत्रमा कार्यालय स्थापना गर्ने आयोगको तयारी छ । आयोगका अनुसार संघ र प्रदेश सभाको चुनावमा १ करोड ५४ लाख २७ हजार ७ सय ३१ मतदाता रहनेछन् । त्यसको लागि १ करोड ७० लाखको हाराहारीमा मतपत्र छाप्ने आयोगले जनाएको छ ।