पाएक पर्ने स्थानमा गएर कोरोनाको खोप लगाउनुहोस: प्रजिअ पाण्डे

२६ माघ,हेटौंडा। मकवानपुरका प्रमुख जिल्ला अधिकारी भरतमणी पाँण्डेले जिल्ला बासिलाई पाएक पर्ने स्थानको स्वास्थ्य संस्थामा गएर कोरोना भाइरस विरुद्धको खोप लगाउन आग्रह गरेका छन। 

जिल्ला कोभिड व्यवस्थापन समिति संयोजक समेत रहेका प्रजिअ पाण्डेलाई बुधबार हेटौंडा-१० बुद्धचोकमा आजबाट सुरु भएको 'कोभिड खोप सप्ताह' को शुभारम्भ कार्यक्रममा बोल्दै आफ्नो पाएक पर्ने स्वास्थ्य संस्थामा गएर महामारीको रुपमा फैलिएको कोरोना भाइरस विरुद्धको खोप लगाउन जिल्लाबासिलाई आग्रह गरेका हुन। 

खोप अभियान सुभारम्भ कार्यक्रममा बोल्दै उनले हाल सम्म मकवानपुरमा ७७ प्रतिशतले खोप लगाएको र स्वास्थ्य कार्यालय मकवानपुर र स्थानीय तह समन्वय गरेर वडा स्तरमै खोप लगाउने व्यवस्था गरिएकोले लगाउन बाँकीलाई छिटो भन्दा छिटो स्वास्थ्य संस्थामा गएर खोप लगाउन अनुरोध गरेका हन। 

"आम सर्वसाधारणले अझै खोप लगाउन बाँकी रहेको देखियो,सोही अनुसार जिल्ला कोभिड व्यवस्थापन समितिको निर्णय अनुसार  हेटौंडा उपमहानगर र स्वास्थ्य कार्यालयको समन्वयमा बुद्धचोकमा साता व्यापी खोप अभियान सञ्चालन गरिएको हो,अभियान फागुन ३ गते सम्म सञ्चालन हुनेछ"- प्रजिअ पाण्डेले भने।

पुरानो नारायणी यातायात कम्पनी प्रालि, राडो नेपाल, एसोसियसन अफ प्राइभेट हेल्थ इन्स्टिच्युट नेपाल मकवानपुर लगायतको सहकार्यमा शुरु भएको अभियानको पहिलो दिन ५ सय भन्दा बढिले खोप लगाएका छन् । खोप अभियान फागुन ३ गतेसम्म विहान १० बजेदेखि ३ बजेसम्म संचालन हुने जनाईएको छ । अभियान अन्तरगत कोभिडविरुद्धको पहिलो, दोस्रो र बुस्टर डोज लगाइने छ ।