भातृ संस्थाहरु विघटन गरि केन्द्रीय तदर्थ समिति गठन गर्ने कांग्रेसको निर्णय

३ फागुन, हेटौंडा । नेपाली काँग्रेसले ३ फागुन, हेटौंडा । नेपाली काँग्रेसले अवधि समाप्त भईसकेका भातृ संस्थाका केन्द्रिय समितिहरु विघटन गरि केन्द्रिय तदर्थ समिति गठन गर्ने निर्णय गरेको छ ।
पार्टी केन्द्रिय कार्य सम्पादन समितिको मंगलबार सम्पन्न बैठकले अवधि समाप्त भईसकेका भातृ संस्थाका केन्द्रिय समितिहरु विघटन गरि फागुन मसान्तभित्र केन्द्रिय तदर्थ समिति गठन गर्ने निर्णय गरेको हो ।
केन्द्रीय सम्पादन समितिको निर्णय अनुसार नेपाल विद्यार्थी संघ, नेपाल प्रजातान्त्रिक सेनानी संघ, नेपाल किसान संघ, नेपाल आदिवासी जनजाति संघ, राष्ट्रिय लोकतान्त्रिक अपांग संघ, नेपाल तामाङ संघ, नेपाल ठाकुर समाज, नेपाल महिला संघ, नेपाल तरुण दल र नेपाल भूतपूर्व सैनिक संघ विधानतः स्वतः विघटन भएका छन् ।
पार्टीका प्रवक्ता डा. प्रकाशशरण महतले मंगलबारको निर्णलय भातृ संस्थाहरु विधानतः स्वत विघटन भएको जानकारी गराउँदै सभापति शेरबहादुर देउवाले आवस्यक परामर्श लिएर ती संस्थाहरुको यही फागुन मसान्तभित्र केन्द्रिय तदर्थ समिति गठन गर्ने निर्णय गरिएको बताए ।
यस्तै प्रवक्ता डां महतले पार्टीको विभिन्न पदहरुमा निर्वाचित वा मनोनित भातृ वा शुभेच्छुक संस्थाका सभापति, पदाधिकारी वा सदस्यहरुको पद स्वतः रिक्त भएको उल्लेख गर्दै तत्काल पूर्ति गर्ने निर्णय पनि गरेको पनि जानकारी दिए ।