बागमती प्रदेशमा खेलकुदको महाकुम्भ, मुख्यमन्त्रीद्वारा उदघाटन

२८ फागुन, हेटौंडा । बागमती प्रदेशमा आजबाट खेलकुद महाकुम्भ आरम्भ भएको छ। बागमती प्रदेश खेलकुद विकास परिषदको आयोजनामा सुरु भएको प्रथम खेलकुद प्रतियोगिताको शनिबार साँझ उदघाटनको  गरिएको छ । 

बागमती प्रदेशका मुख्यमन्त्री राजेन्द्र प्रसाद पाण्डेले ओलम्पिक टर्च बालेर ओलम्पियन धावक बैकुण्ठ मानन्धर टर्च हस्तान्तरण गर्दै प्रतियोगिताको उदघाटन गरेका हुन। 
प्रतियोगिताको हेटौंडा-५ मा रहेको पिप्ले क्याम्पा रंगशालामा उदघाटन गरिएको हो। उदघाटन कार्यक्रममा नेपाल आर्मी, नेपाल प्रहरीको व्याण्ड सहितको प्रस्तुती, विद्यार्थीहरुद्धारा ड्रिल प्रदर्शन, अतिसबाजी, मार्सल आट्र्स डेमो, विभिन्न तामाङ, नेवाः, थारु समुदायले आफ्नो झाँकी तथा खैजेडी र पञ्चेबाजाको साँस्कृतिक कार्यक्रमहरु प्रदर्शन गरेको थियो ।
बागमती प्रदेश युवा तथा खेलकुद मन्त्री रत्न प्रसाद ढकालको सभाध्यक्षता तथा मुख्यमन्त्री राजेन्द्र प्रसाद पाण्डेको प्रमुख अतिथ्यता रहेको उदघाटन कार्यक्रममा प्रतिनिधि सभा सदस्य तथा नेपाल ओलम्पिक समितिका अध्यक्ष जिवनराम श्रेष्ठ र प्रदेश सभामुख सानुकुमार श्रेष्ठको विशिष्ट अतिथ्यता रहेको थियो । 

कार्यक्रममा हिजो मात्र उदघाटन गरिएको पिप्ले क्याम्पा मिनि रंगशाला निर्माणमा योगदान पुरयाएको भन्दै पूर्व राष्ट्रिय बक्सिङ खेलाडी तथा पिप्ले युवा क्बलका अध्यक्ष सुशील घिमिरेलाई सम्मान गरिएको थियो । प्रतियोगिता अन्तरगत मकवानपुरमा आइतबार पुरुष तर्फको फुटबल हुनेछ । पहिलो खेल समूह (ख) का चितवन र ललितपुरबीच हुने परिषदले जनाएको छ । खेल नकआउट चरणमा हुनेछ ।

प्रतियोगितामा ८ वटा खेल हुनेछ । मकवानपुरमा आइतबारबाट पुरुष फुटबल, व्याडम्निटन र चैत्र ५ गतेबाट तेक्वान्दो प्रतियोगिता सुरु हुनेछ । त्यस्तै, चितवनमा ३० गतेदेखि भलिबल र क्रिकेट खेल खेलाइने परिषद्का सदस्य सचिव सुर्यलाल भणडारीले बताए। यता सिन्धुपाल्चोकमो चैत्र ७ गतेबाट कराँते खेल हुनेछ भने काठमाडौंमा चैत्र ६ गतेदेखि एथलेटिक्स प्रतियोगिता हुने परिषदले जनाएको छ।