डान बागमती प्रदेसमा झलकनाथ कंडेलको नेतृत्व

२९ फागुन, हेटौंडा । डेमोक्रेटिक एग्रीकल्चरिष्ट एशोसिएसन नेपाल (डान)को बागमती प्रदेश संयोजन समितिको संयोजकमा झलकनाथ कंडेल चयन भएका छन् ।
एशोसिशनको आइतबार हेटौंडामा भएको बागमती प्रदेशको प्रथम भेलामा केडेंलाई प्रदेश संयोजन समितिको संयोजकमा चयन गरेको हो । समितिको सह संयोजकमा जीवन लामिछाने, सचिवमा डा. सन्दीप सिलवाल, कोषाध्यक्षमा प्रकाश दुवाडी चयन भएका छन् ।
यस्तै बागमती प्रदेश प्रथम भेलाले सदस्यहरुमा स्वस्तिका चौहान, शर्मिला सुवेदी र शोभित खनाललाई चयन गरेको छ ।
भेलामा नेपाली कांग्रेस बागमती प्रदेशका सभापति इन्द्र बहादुर बानियाँको प्रमुख अतिथ्यतामा प्रथम भेला भएको हो । भेलाका अवसरमा संयोजक कंडेलले डानले प्रदेशमा गरेका विभिन्न गतिविधि, संगठन र संजाल विस्तार, समृद्ध कृषि नामक म्यागेजिन प्रकाशन, कृषि तथा वन विश्वविद्यालयका विद्यार्थीहरु सँग क्षमता अभिवृद्धि कार्यक्रम, विषयगत तथा नीतिगत बहस तथा छलफल गर्दै आएको जानकारी गराएका थिए ।
कार्यक्रममा बागमती प्रदेशका उद्योग वाणिज्य तथा आपूर्ति राज्यमन्त्री रजनी अमात्य जोन्छे, कांग्रेस प्रदेश महामन्त्री कन्चन बादे, कृषि तथा वन विश्वविद्यालय चितवनका डा. सुर्यकान्त घिमिरे, डानका केन्द्रीय अध्यक्ष कौशलकुमार शर्मा, कांग्रेस मकवानपुरका सभापति बुद्ध लामा लगायत डानका केन्द्रीय पदाधिकारी, आजिवन सदस्य तथा कांग्रेस निकट कर्मचारीहरुको उपस्थिती रहेको थियो ।