होलीमा मकवानपुरमा ३०० प्रहरी परिचालन,चेकजाँचमा कडाई

३ चैत,हेटौंडा मकवानपुर  प्रहरीले रंगको पर्व फागु पूर्णिमा अर्थातमा हुन सक्ने गलत क्रियाकलाप रोक्न विहिबार ३ सय जना सुरक्षाकर्मी परिचालन गरेको छ।प्रहरीले अन्य दिनको तुलनामा बढि संख्यामा प्रहरीलाई चेकजाँच र गस्तिमा परिचालन गर्ने जनाएको हो । 
होलीका लागि विशेष सुरक्षा रणनीति तयार गर्दै प्रहरीले जिल्लाभर ३ सय  जना सुरक्षाकर्मी परिचालन गरिएको मकवानपुरका प्रहरी उपरीक्षक सुरेन्द्र बहादुर गुरुङले बताए।उनले गस्तिमा सादा पोशाकमा समेत प्रहरी परिचालन गरिने भएको छ । होलीमा जबर्जस्ती रंग हाल्ने, लोला हान्ने, फोहर पानी छ्याप्ने, मोविल दल्ने लगायतका पर्वको मर्म विपरितका गतिविधि गर्नेलाई मकवानपुर प्रहरीले जरिवानादेखि जेलसम्मको कारवाही अघि बढाउने भएको छ । 
प्रहरीले २५ हजार रुपैयाँ जरिवाना देखि १ वर्ष जेल सजायसम्मको कारवाही अघि बढाउने जनाएको छ । प्रहरी उपरिक्षक गुरुङले नेपालीहरुले उत्सवको रुपमा मनाईने होलि पर्वमा पछिल्लो समय विकृति देखिएका कारण विशेष सुरक्षा योजना बनाईएको बताए।मादक पदार्थ एवम् लागूपदार्थ सेवन गरेर सवारीसाधन चलाउने, ईच्छा विपरित जबर्जस्ती रङ लगाउनेलाई कारबाहीको दायरामा ल्याउने उनको भनाई छ ।