राष्ट्रिय निकुञ्ज विस्तार गर्न लागेकोमा हेटौंडा-१३ पदमपोखरीमा विरोध

४ चैत, हेटौंडा । सरकारले पर्सा राष्ट्रिय निकुञ्चको क्षेत्र विस्तार गर्न लागेकोमा शुक्रबार हेटौंडामा प्रर्दशन भएको छ।निकुञ्जको मध्यवर्ती क्षेत्रका बासिन्दाले यसको विरोधमा प्रर्दशन गरेका हुन् ।
हेटौंडा नगरपालिका वडा नम्बर १२, १३ र १४ नम्बर क्षेत्रलाई राष्ट्रिय निकुञ्ज क्षेत्र विस्तार गर्न लागेको भन्दै पदमपोखरीमा प्रर्दशन गरिएको छ । उनीहरुले बस्ति र धार्मिक क्षेत्र संरक्षणका लागि निकुञ्ज क्षेत्र विस्तार रोकिनुपर्ने बताएका छन् । 

निकुञ्जको मध्यवर्ती क्षेत्र खारेज नभएसम्म आफुहरुको दैनिक जीवनयापन गतिविधिमा अवरोध हुने वस्ती संरक्षण समिति तथा संघर्ष समिति अध्यक्ष सुर्य थोकरले बताए।  
वन्यजन्तु संरक्षणको नाममा बर्षै देखी रहदै आएको बस्ति उठाउन लागेको थोकरले आरोप लगाए। 
"हामी अझै लचक छौ,निकुञ्जको निर्णय सच्चिने कुरामा आशावादी छौ,निर्णय नसच्चिए कडा विरोध गर्न वाध्य हुन्छौं"-थोकरले भने। 

त्यसैगरी स्थानीय युवा वगान सिंह थिङ्ले  वन्यजन्तु संरक्षण गर्न स्थानीयले अवरोध नगरेको तर निकुञ्ज विस्तारको नाममा वस्ति उठाउने निर्णय सरासर गलत भएको बताए।त्यसैगरी हेटौंडा-१३ का वडाध्यक्ष मनोज कुमार वाइवाले सेनाको पोष्टको अभाव के का लागि हो बुझ्न जरुरी रहेको भन्दै स्थानीय सरकार तथा वडलाई 
समन्वय नगरेको छलफलको नाममा १ पटक मात्र अन्तरक्रिया मात्र आरोप लगाए।

"जनताको इच्छा विपरित जान नहुने कुरामा आफु पनि अडानमा रहेको र यसको विकल्प खोज्नुपर्छ-  वडाध्यक्ष वाइवाले उल्लेख गरे।उक्त विरोध कार्यक्रममा राजनैतिक दलका प्रतिनिधि,स्थानीय, फेकोफन मकवानपुर अध्यक्ष साधुराम चौलागाई,फेकोफन हेटौंडा अध्यक्ष शम्भु प्रसाद न्यौपाने,फेकोफन मकवानपुरगढी अध्यक्ष बलराम अधिकारी,रानी सामुदायिक वन उपभोग समूह चौघडाका कार्यालय सचिव भीमसेन पौडेल लगायत विभिन्न सामुदायिक वन उपभोक्ता समूहका प्रतिनिधिको सहभागिता रहेको थियो। 
फेकोफन मकवानपुरले यस अघि निकुञ्ज अन्तर्गत पर्ने मध्यवर्ती सामुदायिक वन उपभोग समूहसँग मनहरीमा अन्तक्रिर्या कार्यक्रम गरेको थियो।