नेपाली कांग्रेसको ‘निर्वाचन परिचालन समिति’ ले पायो पूर्णता

१७ चैत, हेटौंडा । नेपाली कांग्रेसले आगामी स्थानिय तह निर्वाचन लक्षित निर्माण गरेको ‘स्थानीय तह निर्वाचन केन्द्रीय परिचालन समिति’ लाई पूर्णता दिएको छ । 
पार्टी सभापति शेरबहादुर देउवाले पार्टी उपसभापति पूर्णबहादुर खड्काको संयोजकत्वमा गत १५ गते बसेको केन्द्रीय समितिको बैठकबाट निर्वाचन परिचालन समिति निर्माण गर्ने निर्णय गरेका थिए । यस्तै बुधबार हिजो सभापति देउवाले थप सदस्यहरु मनोनयन गर्दै समितिलाई पुर्णता दिएका हुन् । पूर्णता दिएसँगै समिति ५५ सदस्यी भएको छ । 
समितिको संयोजकमा सभापति खड्का रहेका छन् भने सदस्यहरुमा अर्का उपसभापति धनराज गुरुङ, महामन्त्रीद्वय गगनकुमार थापा र विश्वप्रकाश शर्मा, सहमहामन्त्रीहरु फरमूल्लाह मन्सुर, उमाकान्त चौधरी, महालक्ष्मी उपाध्याय ‘डिना’, भीष्मराज आङ्दम्बे, महेन्द्र यादव, किशोरसिंह राठौर, बद्री पाण्डे र जीवन परियार रहेका छन् । 
यसैगरी समितिको सदस्यमा केन्द्रीय सदस्यहरु डा शशाङ्क कोइराला, अर्जुननरसिंह केसी, प्रवक्ता डा प्रकाशशरण महत, डा शेखर कोइराला, बालकृष्ण खाँण, पद्मनारायण चौधरी, एनपी साउँद, सुरेन्द्रराज पाण्डे, शङ्कर भण्डारी, मीनबहादुर विश्वकर्मा, सीता गुरुङ, केशवकुमार बुढाथोकी, श्यामकुमार घिमिरे, प्रदीप पौडेल, कल्याणकुमार गुरुङ, चिनकाजी श्रेष्ठ, मोहनबहादुर बस्नेत, डा डिला सङ्ग्रौला, लक्ष्मी परियार, योगेन्द्र चौधरीलाई मनोनित गरिएको छ ।
सभापति देउवाले केन्द्रीय सदस्यहरु महेन्द्रकुमार राय, गेहेन्द्र गिरी, सञ्जयकुमार गौतम, तारामान गुरुङ, मधु आचार्य, मदनबहादुर अमात्य, उमेशजङ्ग रायमाझी, उदयशम्शेर राणा, जीतजङ्ग बस्नेत, नैनसिंह महर, दिलमान पाख्रिन, रामहरि खतिवडा, अञ्जनी श्रेष्ठ, रङ्गमती शाही, मञ्जुकुमारी यादव, सरस्वती अर्याल तिवारी, मञ्जु खाँण, गुरु बराल, प्रतिमा गौतम, कुन्दनराज काफ्ले, हरिशरण नेपाली, नानु बाँस्तोला, सीताकुमारी राना र जीवन रानालाई पनि समिति सदस्यमा मनोनित गरेका छन् ।