वडा प्रहरी प्रमुख विष्टसँगै,मकवानपुरका ८ इन्स्पेक्टरको सरुवा

२५ चैत,हेटौंडा। प्रहरी प्रधान कार्यालय मानव श्रोत विकास विभागले शुक्रबार गरेको ६७३ प्रहरी निरीक्षक(इन्स्पेक्टर) को सरुवामा मकवानपुरका ८ प्रहरी निरीक्षकको सरुवा भएको छ। 
वडा प्रहरी कार्यालय सानोपोखरा हेटौंडाका प्रहरी प्रमुख प्रहरी निरीक्षक कृष्णप्रसाद विष्टसहित मकवानपुरका अन्य ७ जना प्रहरी निरीक्षकको सरुवा भएको हो। वडा प्रहरी कार्यालय हेटौंडामा प्रहरी निरीक्षक केशर न्यौपाने आउने भएका छन्। हालका प्रहरी निरीक्षक कृष्णप्रसाद विष्टको जिल्ला प्रहरी कार्यालय रामेछाप सरुवा भएको छ। त्यसैगरी इलाका प्रहरी कार्यालय ठिङ्गनका प्रहरी निरीक्षक देवेन्द्र दासको जिल्ला प्रहरी कार्यालय ओखलढुङ्गा सरुवा भएको छ।त्यसैगरी ईलाका प्रहरी कार्यालय पशुपतिनगरका प्रहरी निरीक्षक अविनाश अधिकारी,जिल्ला प्रहरी कार्यालय मकवानपुरका प्रहरी निरीक्षक राजकुमार सापकोटा,ईलाका प्रहरी कार्यालय भिमफेदी,ईलाका प्रहरी कार्यालय पालुङ र ईलाका प्रहरी कार्यालय फापरबारीका प्रहरी प्रमुखको पनि सरुवा भएको छ।त्यसैगरी मकवानपुर ट्राफिक प्रहरी प्रमुख प्रकाश पाण्डेको पनि जिल्ला प्रहरी कार्यालय मनाङ सरुवा भएको छ। 
निकै लामो समयपछि गृह मन्त्रालयले आज ठुलो संख्यामा प्रहरी निरीक्षकको सरुवा गरेको हो।आज रातीबाट निर्वाचन आयोगले आचारसंहिता लाग्ने जनाएको छ। आचारसंहिता सुरु हुनअघि प्रहरी निरीक्षकको सरुवा भएको छ।