भरतपुरको उपमेयरमा न्यौपानेको दावी, यस्तो छ आधार

२९ चैत, हेटौंडा । देशभर चर्चामा रहेको चितवनस्थित भरतपुर महानगरपालिकाको उपमेयरमा नेपाली कांग्रेसका जिल्ला उपसभापति राजिव न्यौपानेले दावी प्रस्तुत गरेका छन् । बैशाख ३० गते हुन लागेको स्थानीय तहको निर्वाचनमा उनले उपमेयरको दावी प्रस्तुत गरेका हुन् ।

२०४६ सालमा नेविसंघको वडा इकाई सचिवबाट आफ्नो राजनीतिक यात्रा शुरु गरेका न्यौपाने निरन्तर पार्टी राजनीतिसंगै जनतामाझ भिजेका कारण उनले जनप्रतिनिधिको रुपमा उपमेयरको दावी प्रस्तुत गरेको जनाएका छन् । चितवनमा लोकप्रिय नेताहरुमध्येका उनी जनताको सुखदुःखमा सधै खटिने गरेका कारण शुभेच्छुकहरुले समेत उनलाई उपमेयरको रुपमा हेर्न चाहेको जनाईएको छ ।

पार्टीले आव्हान गरेको हरेक राजनैतिक आन्दोलनमा अग्रपंक्तिमा खटिने न्यौपाने तत्कालीन राजा ज्ञानेन्द्र शाहले २०६२ साल माघ २६ गते गराएको नगर निर्वाचन बहिष्कार गर्ने क्रममा साविक भरतपुर नगरपालिका–८ को गौरिगञ्ज निमावि अगाडि सेनाको कुटाईबाट गम्भिर घाइते भएका थिए । उनको २१ दिनसम्म भरतपुरस्थित पुरानो मेडिकलमा उपचार भएको थियो । 

पार्टी संगठनमा मात्रै नभई सामाजिक सेवामा समेत सक्रिय न्यौपाने ‘जन्मदेखि मृत्युसम्म’ जनतासंगै रहने नेताको रुपमा चितवनमा चिनिएका छन् । ‘पार्टीको सच्चा सिपाही हुँ, पार्टीले जिम्मेवारी दिए बहन गरेर भरतपुरबासीको सेवा गर्नेछु ।’–उनले भने । आफु निरन्तर पार्टी र जनताको हितमा खटिएको भन्दै उनले सबैको सुझावका आधारमा उम्मेदवारको दावी गरेको बताए ।

यस्तो छ न्यौपानेको राजनैतिक र सामाजिक पृष्ठभूमि
२०४८ सालमा नेविसंघ इकाई अध्यक्ष अरुणोदय उमावि, भरतपुर–६ 
२०५० सालमा नेविसंघ गाउँ समिति उपाध्यक्ष गीतानगर
२०५२ सालमा नेविसंघ इकाई सहसचिव सप्तगण्डकी बहुमुखी क्याम्पस, भरतपुर
२०५३ सालमा नेविसंघको तर्फबाट स्ववियु सदस्य उम्मेदवार सप्तगण्डकी बहुमुखी क्याम्पस, भरतपुर
२०५४ सालमा नेविसंघ इकाई सचिव सप्तगण्डकी बहुमुखी क्याम्पस, भरतपुर
२०५४ सालमा नेविसंघ जिल्ला सदस्य, चितवन
२०५७ सालमा नेविसंघ जिल्ला उपाध्यक्ष, चितवन
२०६० सालमा नेविसंघ जिल्ला सचिव, चितवन
२०६४ सालमा नेविसंघ जिल्ला उपाध्यक्ष, चितवन
नेपाल विद्यार्थी संघ केन्द्रीय महाधिवेशन आठौं चितवन, चौथो वीरगञ्ज र दशौं चितवनमा सम्पन्न महाधिवेशनमा चितवनबाट केन्द्रीय प्रतिनिधि
जनजान्दोलन २०४६, निरङकुश राजतन्त्रको २०५९ असोज १८ को कदमका विरुद्ध, जनआन्दोलन २०६२/०६३ मा सक्रिय सहभागिता ।
२०४८ सालदेखि २०७४ सम्मका सबै निर्वाचनमा पार्टीका आधिकारिक उम्मेदवारहरुलाई विजयी गराउन सक्रिय सहभागिता ।
२०६७ सालमा नेपाली कांग्रेस १२ औं महाधिवेशनमा चितवन क्षेत्र नं ४ बाट जिल्ला सदस्य निर्वाचित ।
२०७२ सालमा नेपाली कांग्रेसको १३ औं महाधिवेशनपश्चात नेपाली कांग्रेस जिल्ला कार्यसमिति चितवनको सचिवको जिम्मेवारी निर्वाह ।
नेपाली कांग्रेसको १४ औं जिल्ला अधिवेशनमा जिल्ला कार्यसमिति चितवनको उपसभापति पदमा निर्वाचित भई हाल कार्यसम्पादन गरिरहेको ।
सामाजिक संलग्नता 
१) नेपाल रेडक्रस सोसाइटी आजीवन सदस्य,
२) नेपाल परिवार नियोजन संघ चितवनको आजीवन सदस्य
३) विभिन्न सहकारी, सामुदायिक वन लगायतका विभिन्न संघ संस्थामा संलग्न रही कार्य गरेको पूर्व अनुभव