एसईईमा सभागी हुने बिद्यार्थीलाई ब्रेन बिल्डर्सको आयोजनामा हौसला प्रदान

८ बैशाख, हेटौंडा । बैशाख ९ गते शुक्रवारदेखि सुरु हुने एसइइ परीक्षा दिने तयारीमा रहेका बिद्यार्थीहरुलाई हौसला प्रदान गरेका छन् ।
हेटौंडा–२ संगमचोकमा रहेको ब्रेन बिल्डर्स एजुकेशन होम (होस्टल) को आयोजनामा भएको कार्यक्रममा एसइइ परीक्षा दिन तयार रहेका बिद्यार्थीहरुलाई आत्मवल बढाउने उद्देश्यले हौसला कार्यक्रम गरिएको हो ।
मोटिभेस्नल स्पीकर रवि किरणले बिद्यार्थीहरुलाई परीक्षामा हौसलापूर्ण सहभागि भएर परीक्षा दिन मोटिभेट गरेका थिए ।
कार्यक्रममा  ब्रेन बिल्डर्स एजुकेशन होम (होस्टल)मा बस्ने भुटनदेवी मावि, आधुनिक राष्ट्रिय मावि, ज्ञानोदय र सिद्धार्थ माविमा अध्ययनरत बिद्यार्थी, बिद्यार्थीका अभिभावक, शिक्षक लगायतकाको सहभागिता रहेको थियो । 
कार्यक्रममा ब्रेन बिल्डर्स एजुकेशन होमका संचालक आर्यन झा, भुटनदेवि उमाविका भरत पोखरेल, पोष्टराज (कुमार) अधिकारी लगायतकाले बिद्यार्थीहरुलाई नआत्तिकन परीक्षामा सहभागि भएर परीक्षा दिन सुझाव दिएका थिए ।
उक्त अवसरमा २०७९ सालको एसइइ परीक्षामा सहभागि हुने बिद्यार्थीहरुलाई बिदाइ समेत गरिएको छ । 
ब्रेन विल्डर्स एजुकेशन होममा बसेर हेटौंडाको बिभिन्न बिद्यालयमा अध्यनरत ३६ जना बिद्यार्थीलाई बिदाई गरिएको होस्टलका संचालक आर्यन झाले जानकारी दिए ।
करिव ५ बर्ष अघिदेखि संचालन गरिएको यस होस्टलमा मकवानपुर, बारा, पर्सा, रौतटह, सर्लाही लगायतकाको जिल्लाबाट बिद्यार्थीहरु हेटौंडामा अध्ययन गर्नका लागि बसेका छन ।
एकसय बढी बिद्यार्थी रहेको यस होस्टलमा योग कक्षा, अनुशासन सहितको उत्कृष्ट नतिजा भन्ने मुल उद्देश्यका साथ बिद्यार्थीलाई शिक्षा दिने गरेको संचालक झाले बताए ।
कक्षा १ देखि १२ सम्म अध्ययन गर्ने छात्र तथा छात्राहरुलाई राखेर अध्यापन गराईरहेको यस होस्टलले बिद्यार्थीको स्वास्थ्य उपचारका लागि स्टाप नर्स पनि राखेको छ ।