भारतमा कोरोना बढेपछि नेपालमा सर्तकता बढाउन अनुरोध

फाइल तस्विर

८ बैशाख, काठमाडौं । छिमेकी राष्ट्र भारतमा पछिल्लो दिन कोरोना संक्रमण बढ्दो क्रममा रहेकाले स्वास्थ्य तथा जनसंख्या मन्त्रालयले नेपालमा सतर्कता अपनाउन अनुरोध गरेको छ ।
मन्त्रालयले बिहीबार एक सूचना जारी गर्दै भारत लगायतका छिमेकी राष्ट्रहरुमा कोरोना संक्रमण बढिरहकाले जनस्वास्थ्यको मापदण्डहरुको पालना गर्न आग्रह गरेको हो । मन्त्रालयकी प्रवक्ता डा. संगीता कौशल मिश्रद्वारा जारी सूचनामा सबैले ढिला नगरी नजिकैको खोप केन्द्रमा गई कोभिडविरुद्धको खोप लगाउन र पूर्ण मात्राको खोप लगाएको ३ महिना पूरा भएपश्चात बुस्टर मात्रा खोप लगाउन आग्रह गरेकी छिन् ।
मन्त्रालयले ७ वटै प्रदेश र जिल्लालाई पनि उच्च सतर्कता अपनाउन भनेको छ । मन्त्रालयले पशुपतिनगर, काँकडभिट्टा, रानी, इनरवा, गौर, माडर, रसुवागढि, तातोपानी, जमुनाह, बेलहिया, कृष्णनगर, त्रिनगर, गड्डाचौकी, भिट्टामोड, झुलाघाट, पुलघाट र त्रिभुवन अन्तराष्ट्रिय विमानस्थलमा रेहका हेल्थ डेस्कमा भारत र चीनबाट आएका आउने यात्रुहरुमा कोभिड–१९ लक्षण देखिएमा, पूर्ण खोप प्राप्त नगरेकोमा र स्क्रीनिङको क्रमा कोभिड–१९ को शंक लागेमा परीक्षण गराउन र परीक्षणका क्रममा पोजेटिभ देखिएमा उनीहरुको स्वाबको नमूना संकलन गरी प्रदेश जनस्वास्थ्यसंग समन्वय गरी जिन सिक्वेन्सिङको लागि राष्ट्रिय जनस्वास्थ्य प्रयोगशालामा पठाउन अनुरोध गरेको छ ।