स्थानीय तह निर्वाचन: हेटौंडामा गठबन्धन दलको संयुक्त चुनावी भेला र सम्पर्क कार्यालय

१४ बैशाख, हेटौंडा । यहि बैशाख ३० गते हुने स्थानीय तह सदस्य निर्वाचनलाई लक्षित गर्दै गठबन्धनमा आवद्ध दलले हेटौंडाको विभिन्न वडामा भेला तथा सम्पर्क कार्यालय स्थापना गरेको छ। 
सत्तारुढ गठबन्धन दलले बुधबार हेटौंडा-९ मा मेयरका उम्मेदवार मिना कुमारी लामा र उपमेयरका उम्मेदवार राजेश बानियाँले संयुक्त रुपमा सम्पर्क कार्यालय उदघाटन गर्दै घरदैलो गरेका हुन्।
त्यसैगरी आसन्न स्थानीय तह सदस्य निर्वाचनलाई मध्यनजर गर्दै गठबन्धन नेतृत्वको हेटौंडा-२ कांग्रेसचोकमा सम्पर्क कार्यालय स्थापना गरेको छ।  
त्यसैगरी मेयर र उपमेयरको उपस्थितिमा हेटौंडा उपमहानगरपालिका वडा नम्वर–४ मा सत्तारुढ गठबन्धनले संयुक्त वडा भेला गरी वडाका नेता तथा कार्यकर्ता,सु्भेच्छुक र मतदाताहरुसँग साक्षात्कार गरेको छ।त्यसैगरी हेटौंडा-१,१८ मा पनि सम्पर्क कार्यालय स्थापना गर्दै भेटघाट गरेको हो। 

भेला तथा सम्पर्क कार्यालय उदघाटनमा गठबन्धनबाट हेटौंडा उपमहानगरपालिकाको क्रमश मेयर र उपमेयर पदका उम्मेदवार मिना लामा र राजेश बानियाँले यो गठबन्धन संविधानको रक्षा एवम् देश र जनताको हितमा भएका थिए। उनीहरुले आम मतदाताले अब गठबन्धनका उम्मेदवारलाई मतदान गरी मुलुकबाट प्रतिगमनकारीहरुको अन्त्य गर्नुपर्ने बताए।

सबै राजनीतिक दल, नागरिक समाज, पत्रकार एवम् बौद्धिक वर्गहरुसँग छलफल गरी आवश्यक राय, सुझाव संकलन गरी समृद्ध हेटौंडा उपमहानगरपालिका बनाउने दृढ संकल्पसहित आफुहरु चुनावी अभियानमा होमिएको र सबैको सहयोग पाए गठबन्धनकै उम्मेदवारहरुले जित हासिंल गरी जनताको पक्षमा काम गर्नेमा कुनै शंका नभएको उनीहरुको भनाई रहेको छ ।
हेटौंडा-४  मा भएको कार्यक्रममा  गठबन्धनबाट हेटौंडा–४ को वडा अध्यक्ष पदका उम्मेदवार हरिप्रसाद पौडेलले आफु यसअघि पनि उम्मेदवार भई झिनो मतले पराजित हुनुपरेका कारण जनहितका काम गर्ने योजना अधुरै रहेपनि यस पटक पुरा गर्ने बताएका थिए ।उनले आफु सेवाभावसहित राजनीतिमा आएको भन्दै वडा अध्यक्ष भएपश्चात राज्यबाट प्राप्त गर्ने सेवा सुविधा सबै आर्थिक विपन्नता भएका गरिब दुखी जनताको लागि खर्च गर्ने प्रतिवद्धता जनाए ।

कार्यक्रममा नेकपा एकीकृत समाजवादी बागमती प्रदेश संसदीय दलकी मुख्य सचेतक मुनु सिग्देल, माओवादी केन्द्रकी केन्द्रीय सदस्य प्रमिला पुलामी, नेपाली कांग्रेसका नेता प्रदिप कोइराला, समाजवादीका नेता ललित बस्नेतलगायतका नेता तथा सत्ता गठबन्धनका आम कार्यकर्ताहरुको उपस्थिति रहेको थियो । गठबन्धन नेतृत्वले भोलि पनि नगरको विभिन्न वडामा सम्पर्क कार्यालय स्थापना गर्दै घरदैलो अभियानलाई निरन्तरता दिने जनाइएको छ।