देउवा नेतृत्व सरकार चुनाव रोक्न खोज्दैछ:एमाले अध्यक्ष ओली

१८ बैशाख,हेटौंडा । नेपाल कम्युनिष्ट पार्टी एमालेका अध्यक्ष खड्ग प्रसाद(केपी) ओली देउवा नेतृत्वको गठबन्धन सरकार चुनाव रोक्ने दाउमा रहेको खुलासा गरेका छन्।
अन्तर्राष्ट्रिय श्रमिक दिवसको अवसरमा जिफन्ट र एमाले मकवानपुरले हेटौंडाको हुप्राचौरमा आयोजना गरेको कार्यक्रमलाई सम्बोधनका क्रममा उनले देउवा नेतृत्वको गठबन्धन सरकार चुनाव रोक्ने दाउमा रहेको खुलासा गरेका हुन्।
कार्यक्रमलाई सम्बोधन गर्दै अध्यक्ष ओलीले  नेपालमा नक्कली कम्युनिष्टको विगविगी रहेको र एमाले फुटाएर गएकानै समाजवादी त्यसको उदाहरण भएको उदघोष गरेका छन् ।उनले माधव नेपाल नेतृत्वको पार्टीलाई लक्षित गर्दै गठबंधन बाध्यताले बनेको बताएका छन् । 

"यो सरकार खान जन्मेको हो,२४ लाख डोज भ्याक्सिन झवाम परिसकेको छ,हेर्दै जानुस यो सरकारले देश कङ्गाल पर्छ"-ओलीले भने ।

अहिलेको सरकार स्वच्छ नभएको टिप्पणी गर्दै ओलीली स्वच्छ भए फागुनभित्र नै चुनाव सम्पन्न गर्नुपर्ने बताएका छन्। ओलीले सम्बोधनका क्रममा वर्तमान सरकारका स्वास्थ मन्त्री बिरोध खतिवडा अगस्ते जस्तो भएको  २४ लाख क्याप्सुल स्वात्तै निलेको आरोप लगाएका थिए।अध्यक्ष ओलीले अहिलेको सरकारले चुनाव खर्च जुटाउन अरबौँको स्वास्थ्य उपकरण र औषधी खरिद गरेको बताए ।ओलीले जता हेर्‍यो उतै झन्डा र मन्त्री र मन्त्रालयको चाङग मात्र रहेको भन्दै मन्त्रीको सिक्रीले गठबन्धनलाई बाँधेकोले यो धेरै दिन नटिक्ने दाबी  गरे ।