हेटौंडा१८ मा एमालेका उम्मेदवार बानियाँले बाड्न लागेको जस्तापाता नियन्त्रणमा

२१ बैशाख, हेटौंडा ।हेटौंडामा फेरी एकजना वडाध्यक्षका उम्मेदवारले निर्वाचन आचार संहितको धज्जी उडाएका छन् । हेटौंडा-१८ का एमालेका वडाध्यक्षका उम्मेदवार अनिल बानियाँले निर्वाचनको आचार संहित उल्लङ्घन गर्दै वडाको लालभित्ते भन्ने स्थानमा  करिब १५ घरधुरीलाई बाड्न लैजादै गरेको करिब २०० थान जस्तापाता नियन्त्रणमा लिइएको हो ।  
वडाध्यक्षका उम्मेदवार बानियाँले चुनाव प्रभाव पर्न हेटौंडा उपमहानगरपालिकाको रकमबाट खरिद गरि आचार संहित विपरीत उक्त जस्तापाता बाड्न लागेको स्थानीयले आरोप लगाएका छन् ।  
बानियाँले हेटौंडा १८ लालभित्तेमा बाड्न लादै गरेको जस्तापाता रामधुनीमा स्थानीयले नियन्त्रणमा लिएर प्रहरीलाई बुझाउने तयारी भइरहेको बुझिएको छ। 
बानियाँ यस अघि एमालेबाट उम्मेदवार रहि सोही वडाको वडाध्यक्षमा निर्वाचित भएका थिए भने स्थानीय तह सदस्य निर्वाचन-२०७९ अन्तर्गत सोही वडाको एमालेबाट पुन: वडाध्यक्षमा मनोनयन दर्ता गरेका उम्मेदवार हुन।

चैत २५  गतेबाट निर्वाचन आचार संहित लागु भइसकेको छ।आचार संहित अनुसार कुनै पनि उम्मेदवार वा कुनै राजनैतिक दलले सहयोग,राहत वितरण गर्न मिल्दैन। बानियाँले आचार संहित उल्लंघन गरेपछि यतिबेला हेटौंडा-१८ असान्त बनेको छ। यता यस विषयमा बुझ्दा हेटौंडाका सहायक निर्वाचन अधिकृत सागर शर्माले उक्त बिषयको जानकारी नआएको  बताएका छन्।