जेष्ठ नागरिकका लागी पोषण कार्यक्रमको व्यवस्था गर्छुः दोर्जे लामा स्याङतान

२१ बैशाख, हेटौंडा । मकवानपुरगढी गाउँपालिकाका गठबन्धनका उम्मेदवार दोर्जे लामा स्याङ्तानले गठबन्धनले जितेको खण्डमा जेष्ठ नागरिक पोषण कार्यक्रम ल्याई कार्यान्वय गरिने बताएका छन् ।  
बुधबार वडा नम्बर ४ मनकामनामा गठबन्धनको संयुक्त चुनावी सभालाई सम्बोधन गर्दै उनले पोषण कार्यक्रम लागु गरिनुका साथै वडा बाटै जेष्ठ नागरिक भत्ता उपलब्ध गराउने बताएका छन् । उनले गठबन्धनले धेरै बोल्ने नभई धेरै काम गर्ने बताए ।  
गाउँपालिकामा शुन्य भष्ट्रचार, पारदर्शिक कार्यक्रम हुनुका साथै पर्यटन, कृषि, स्वास्थ्य, शिक्षा क्षेत्रमा सबैको पहुँच पुग्ने गरि काम गरिने प्रतिवद्धता व्यक्त गरेका छन् ।  पालिकासँग सबै वडाको सडक सञ्जाल जोडिनुका साथै मनकामना क्षेत्रमा उत्पादित तरकारी तथा फलफुललाई कोशेली घर निर्माण गरि विक्री वितरण गराउने वातावरण सिर्जना गरिने बताए ।  
सभालाई सम्बोधन गर्दै उपाध्यक्ष पदका उम्मेदवार मानकुमारी पाख्रीनले गठबन्धनको जीत निश्चित रहेको दावी गर्दै मतदाता शिक्षालाई अझ प्रभावकारी बनाउँनुपर्ने बताइन् । उनले अघिल्लो सरकारले वडा नम्बर ४ लाई पछाडी पारेको भन्दै अब निर्वाचित भए पश्चात वडाको विकासमा गठबनधन सरकार लाग्ने प्रतिवद्धता व्यक्त गरिन् ।
वडा नम्बर ४ का कांग्रेसका अध्यक्ष पदका उम्मेदवार देवनारायण लामिछानेले आफ्नो पहिलो प्राथमिकता पर्यटन, कृषि र पशुपालन रहेको बताए । उनले आर्थिक कमजोर भएकाको बिमा, तीन सयलाई रोजगारको व्यवस्था, कृषि र पशुपालनमा अनुदानको व्यवस्था, आफुले पाउने सरकारी सेवा अक्षय कोष खडा गरि छात्राहरुको शिक्षण तथा स्वास्थ्य क्षेत्रमा खर्चिने बताए । 
त्यस्तै, माओवादी केन्द्रका वडा अध्यक्ष पदका उम्मेदवार हेम बहादुर योन्जनले अरुले कुरा धेरै गर्छन आफु काम धेरै गर्ने दृढ संकल्पले लागेको हुनाले मतदान गरि विजयी गरिदिन आग्रह गरेका थिए । 
४ नम्बर वडा सभापति सुवास सापकोटाको अध्यक्षता तथा माओवादी केन्द्र जिल्ला सचिव भीम पाख्रीनको प्रमुख अतिथ्यतामा भएको सभामा गठबन्धनका चुनाव प्रचारप्रसार समिति संयोजक यतिराज साकोटा, माओवादीका नेता प्रह्लाद लामिछाने, कांग्रेस नेता राप्रसाद घिमिरेले आफ्नो भनाइ राखेका थिए ।
कार्यक्रममा कांग्रेसका प्रतिनिधि सभा क्षेत्र २ का सचिव बलराम घिमिरे, महासमिति सदस्य सुवात सिं थिङ, माओवादी केन्द्रका पालिका अध्यक्ष राजकुमार खड्का, कांग्रेसका पालिका कोषाध्यक्ष आकाश गोले, नेता गोपी अधिकारी, शीवप्रसाद न्यौपाने लगायतको आतिथ्यता रहेको थियो ।