मनहरी ‘पिठो काण्ड’का सरकारी कर्मचारी टीकाराम एमालेको चुनावप्रचारमा

२२ बैशाख,हेटौंडा। बालबालिकाका लागि आवश्यक पौष्टिक तत्वसहितको सरकारी अनुदानमा प्राप्त पिठो कुहियाएको काण्डमा मुछिएका एक मनहरी गाउँपालिकाका सरकारी कर्मचारी एमालेका अध्यक्षका उम्मेदवार एकराज उप्रेती जिताऔ भन्दै प्रचारमा लागेका छन्।उक्त प्रचारमा लाग्ने मनहरी गाउँपालिका स्वास्थ्य शाखा प्रमुख टीकाराम अधिकारी हुन। 
मनहरी गाउँपालिका  स्वास्थ्य शाखा प्रमुख टीकाराम अधिकारी एमालेका उम्मेदवारलाई जिताउन आफ्नो सामाजिक सञ्जालमार्फत् दैनिक रुपमा आग्रह गरिरहेका छन् । उनले एमालेका उम्मेदवारको प्रचार सामग्री आफ्नो फेसबुक पेजमार्फत् शेयर गर्न भ्याइ नभई देखिन्छ।उनी दैनिक जसो आचार संहित विपरीत आफ्नो पदीय हैसियत बिर्सिएर एमाले जिताऔ भन्दै प्रचारमा व्यस्त रहेका छन् । 

केही महिना अघि मनहरी गाउँपालिकामा बालबालिकाका लागि सरकारले अनुदानबापत् उपलब्ध गराएको पोषण युक्त पिठो विभिन्न बहाना बनाएर कुहियाएको अवस्था उनलाई गाउँपालिका अध्यक्ष एकराज उप्रेतीले संरक्षण गरेका थिए । त्यसकै गुण तिर्दै उनी अभियानमा लागेको जानकारहरु बताउँछन् ।
पिठो काण्डको विषयमा वाइसीएलले पर्दाफास गरेको थियो।कर्मचारीको लापरबाहीका कारण ३९ बोरा अर्थात ११ सय ७० किलोग्राम पोषिलो  पिठो नष्ट गरिएको  हो । गत  भदौ ३ गते वाइसीएल मनहरी गाउँकमिटीले  गाउँपालिकाको कार्यालय नजिकैको एक घरमा भण्डारण गरी राखेको अबस्थामा फेला पारी  सार्वजनीक गरेको थियो।सरकारी कर्मचारी,सरकारको तलब भत्ता खाने कर्मचारीले यसरी कुनै राजनैतिक दललाई जिताऔ भन्दै खुलेआम भोट माग्दा,प्रचार प्रसार गर्दा आचार संहित विपरीत हुने ठहरिन्छ। निर्वाचन अधिकृतको कार्यालय हेटौंडाले केही दिन अघि राजनैतिक दलको प्रचार प्रसार गर्ने, कार्यक्रममा सहभागी हुने ३ जना सरकारी कर्मचारीलाई  स्पष्टिकरण सोध्दै निर्वाचनबाट हटाएको थियो।