हेटौंडा-८ को गठबन्धनको प्रतिबद्धतापत्र सार्वजनिक

२३ बैशाख,हेटौंडा। स्थानिय तह निर्वाचनको लागि चुनावी मैदानमा  रहेको हेटौंडा ८ को गठबन्धनले प्रतिबद्धता पत्र सार्वजनिक गरेको छ । 
शुक्रबार कमानेमा पत्रकार सम्मेलनको आयोजन गर्दै गठबन्धनको तर्फबाट अध्यक्ष पदका उम्मेदवार रहेका  राम थापा सहितको समुहले चुनावी प्रतिवद्धतापत्र सार्वजनिक गरेका हुन्। 
पत्रकार सम्मेलनमा वडा अध्यक्ष थापाले वडामा निर्वाचनको लागि बनेको गठबन्धन भावनात्मक भएको बताएका थिए। उनले यहाँ एमालेले गर्दै आएको बिभेद र निषेधको बिरुद्धको गठबन्धन भएको बताए । उनले वडामा लामो समय देखि नेतृत्व गर्दै आएको एमालेले फरक पार्टीको अस्थित्व स्विकार नगरेको अवस्थालाई चिर्ने काम हुने बताए। 
म सबैको हुने छु, सबै मेरा हुने छन्’ भन्ने स्लोगत सहित सार्वजनिक गरीएको प्रतिबद्धता पत्रमा सामाजिक न्याय÷ सुरक्षा,  शिक्षा, स्वास्थ्य, रोजगारी, योजना तथा पुर्वाधार विकास, कृषि तथा उद्यम, खेलकुद र कला सहित्य र सस्कृतिलाई समेटिएको छ । आफ्नो नेतृत्व वडामा निर्वाचित भएमा सरकारी बिद्यालयबाट उत्कृष्ट नतिजा हासिल गरी चिकित्सा बिज्ञान, इन्जिनियरिङ, चार्टर एकाउन्टेन्ट पढ्न चाहने बिपन्न परिवारका छात्र÷छात्रालाई कार्यविधी बनाई प्राथमिकताको आधारमा शर्त सहित ५ देखि २० लाख सम्म सहयोग गर्ने प्रतिबद्धता पत्रमा उल्लेख छ ।
प्रतिबद्धता सार्वजनिक गर्दै उम्मेदवार थापाले गठबन्धनले बिजयी हासिल गरेमा कमिसन मुखि विकासको अन्त्य गर्दै शुसासन र पारदर्शिता सहितको सेवा दिने बताए । घरदैलोमा रहेको गठबन्धनलाई स्थानिय मतदाताले आर्थिक तथा सामाजिक रुपान्तरणको योजना वारे जिज्ञासा राख्ने गरेको बताए । अहिले गठबन्धनको पक्षमा माहोल देखिएको छ मत परिणामले के भन्छ यदी मौका पाइयो भने परीवर्तन र बिकासका आधारमा नमुना वडाको रुपमा स्थापित गर्ने बताए।पत्रकार सम्मेलनमा सदस्यका उम्मेदवार गोरखनाथ राय, नारायण श्रेष्ठ, सरस्वती थिङ र रीता सार्कि सहभागिता रहेको थियो।वडामा ६ हजार १०१ मतदाता रहेका छन् ।