हेटौंडाको परिवर्तन गर्न गठबन्धनलाई मतदान

२४ बैशाख,हेटौंडा। नेपाली कांग्रेस,माओवादी केन्द्र,नेकपा एस र जसपा गठबन्धनका साझा उम्मेदवारले हेटौंडाको परिवर्तनका लागि गठबन्धनलाई मतदान गर्न हेटौंडा-७का तमाम मतदातालाई अनुरोध गरेका छन्।

हेटौंडा-७ मा आयोजना गरिएको चुनावीसभालाई सम्बोधनका क्रममा गठबन्धनका तर्फबाट मेयरका उम्मेदवार मिना कुमारी लामा र उपमेयरका उम्मेदवार राजेश बानियाँले हेटौंडाको परिवर्तनका लागि गठबन्धनलाई मतदान गर्न मतदातालाई आग्रह गरेका हुन्।मेयरका उम्मेदवार मीना लामा र उपमेयरका उम्मेदवार राजेश बानियाँयले गठबन्धनको जीत नै हेटौंडाबासीको हित हुने उदघोष  गरेका हुन्।

'परिवर्तनका लागि गठबनधनलाई मतदान गर्नुस्।यो उपमहानगर कुनै पार्टीको होइन, जनताको हो। हेटौंडाले इतिहासमै पहिलो पटक महिला प्रमुख पाउदैछ,त्यसैले महिलाले पनि सरकार चलाउन सक्छ भन्ने प्रमाणित गर्ने समय आएको छ,त्यसैले अमूल्य मत दिनुहोस-प्रमुखका उम्मेदवार लामाले भनिन्.। त्यसैगरी उपमेयरका उम्मेदवार राजेश बानियाँले सत्तारुढ गठबन्धन परिवर्तन र विकासको पक्षधर भएका कारण जनताले मतदान गर्ने दावी गरेका छन् । ‘

"एउटै व्यक्तीलाई कहिले माननीय,कहिले मेयर, एउटै व्यक्ति कहिले मेयर भएको छ कहिले मुख्यमन्त्री सेवाग्रही सेवा लिन गए कुन पार्टी भनेर सोध्ने,यो सँस्कारको उन्त्यका लागि गठबन्धनको जित अपरिहार्य रहेको छ"- बानियाँले भने। 

उनले अब हेटौंडा उपमहानगरपालिका साझा चौतारीको रुपमा अगाडि बढ्ने बताए। हेटौंडा–७ मा संयुक्त गठबन्धनको तर्फबाट दामोदर गौतम उम्मेदवार रहेका छन्।हेटौंडा -७ परिवर्तन चाहेकोले गठबन्धनका सबै उम्मेदवारलाई वडावासिले उमुल्य मतदिन वडाध्यक्षका उम्मेदवार गौतमले बताएका छन्।चुनावीसभामा माओवादी केन्द्रका केन्द्रीय सदस्य रामनारायण विडारी,कांग्रेस मकवानपुरका निवर्तमान कार्यवाहक सभापति विष्णुप्रसाद लामिछाने, कांग्रेस मकवानपुर कोषाध्यक्ष होमनाथ गौतम लगायतकाले मन्तव्य व्यक्त गरेका थिए।पछिल्लो समय न्युरेनी,चिसापानी,अग्राठे, हरियाली,किरणचोक क्षेत्रमा गठबन्धन प्रतिआकर्षण बढ्दै गएको छ। हेटौंडा-७ मा कुल ३८५३ मतदान रहेका छन् ।