६२४ स्थानको मत परिणाम सार्वजनिक, १२७ स्थानको नतिजा आउन बाँकी 

६ जेठ, हेटौंडा । बैशाख ३० गते सम्पन्न भएको स्थानीय तह सदस्य निर्वाचनबाट देशभर भएको ७ सय ५१ स्थानीय तह निर्वाचनमध्ये ६ सय २४ स्थानको मत परिणाम सार्वजनिक भएको छ । 
वैशाख ३० गते भएको ७ सय ५१ स्थानीय तहको निर्वाचनमध्ये अब १ सय २७ स्थानको मात्रै नतिजा आउन बाँकी रहेको छ । 
हालसम्म सार्वजनिक भएको मतपरिणाम अनुसार नेपाली काँग्रेसले सबैभन्दा बढी २ सय ७८ प्रमुख तथा अध्यक्ष र २ सय ५४ उप प्रमुख तथा उपाध्यक्ष पदमा जित हात पारेको छ । काँग्रेस अझै ४५ प्रमुख तथा अध्यक्ष अनि ४६ उपप्रमुख तथा उपाध्यक्ष पदमा अगाडी रहेको छ । 
यस्तै नेकपा एमालेले १ सय ७३ प्रमुख तथा अध्यक्ष र १ सय ९५ उपप्रमुख तथा उपाध्यक्ष पदमा जित हात पारेको छ भने २५ प्रमुख तथा अध्यक्ष अनि ३७ उपप्रमुख तथा उपाध्यक्ष पदमा अग्रता बनाइराखेको छ । 
नेकपा माओवादी केन्द्रले हालसम्म १ सय ११ प्रमुख तथा अध्यक्ष अनि १ सय १६ उपप्रमुख तथा उपाध्यक्ष पदमा जित हात पारेको छ । जबकी १० प्रमुख तथा अध्यक्ष अनि उपप्रमुख तथा उपाध्यक्षमा १० स्थानमा अगाडी रहेको छ । 
यसैगरी जनता समाजवादी पार्टीले १८ प्रमुख तथा अध्यक्ष अनि १७ उपप्रमुख तथा उपाध्यक्ष पदमा जित हात पारेको छ । जसपाले हालसम्म १७ प्रमुख तथा अध्यक्ष अनि १४ उपप्रमुख तथा उपाध्यक्षमा अग्रता बनाएको छ । एकीकृत समाजवादीले १४ प्रमुख तथा अध्यक्ष अनि २० उपप्रमुख तथा उपाध्यक्ष पदमा जित हात पारेको छ । एकीकृत समाजवादी ५ प्रमुख तथा अध्यक्ष अनि ३ उपप्रमुख तथा उपाध्यक्षमा अगाडी रहेको छ । 
लोकतान्त्रिक समाजवादीले ७ अध्यक्ष तथा प्रमुख अनि ७ उपप्रमुख तथा उपाध्यक्ष पदमा जित हात पारेको छ । लोसपा अझै ५ प्रमुख तथा अध्यक्ष अनि ४ उपप्रमुख तथा उपाध्यक्षमा अगाडी रहेको छ । अन्य तर्फका २३ जनाले प्रमुख तथा अध्यक्षमा जित हात पारेका छन् भने १५ जनाले उपप्रमुख तथा उपाध्यक्षमा जित हात पारेका छन् । अन्य तर्फका अझै ११ जना प्रमुख तथा अध्यक्षका लागि अग्रता बनाएका छन् भने उपप्रमुख तथा उपाध्यक्ष तर्फ ४ जनाले अग्रता बनाएका छन् ।