पुनरागमन गर्दै सिटीले जित्यो प्रिमियर लिगको उपाधि

९ जेठ, हेटौंडा । इंग्लिस प्रिमियर लिग फुटबलको उपाधि म्यानचेस्टर सिटीले जितेको छ । आइतबार राति सिजनको आफ्नो अन्तिम खेलमा एस्टन भिल्लासँग ३–२ गोल अन्तरले हराउँदै सिटी च्याम्पियन बनेको हो ।
सिटीले छैटौं पटक प्रिमियर लिगको उपाधि जितेको हो । यस्तै पेप ग्वार्डीओलाको नेतृत्वमा सिटीले चौंथो पटक उपाधि जितेको हो । घरेलु मैदानमा दुई गोलको अग्रता उल्टाएर सिटीले जित निकालेको हो ।
आइतवार राति सिजनको आफ्नो अन्तिम खेलमा एस्टन भिल्लालाई ३–२ गोल अन्तरले हराउँदै सिटी च्याम्पियन बनेको हो । घरेलु मैदानमा दुई गोलले पछि परेको सिटीले उत्कृष्ट पुनरागमन गर्दै जित हो । 
एस्टन भिल्लाका म्याटी क्यासले खौलको ३७ औँ र फिलिपे कोटिन्होले  ६९ औँ मिनेटमा गोल गर्दै टोलीलाई २–० ले अघि राखौका थिए । तर सिटीका लागि इल्के गुन्डोगानले ७६ औँ, रोड्रीले ७८ औँ र गुन्डोगानले नै ८१ औँ मिनेटमा व्यक्तिगत दोस्रो गोल गर्दै सिटीलाई ३–२ ले जिताए । 
जितसँगै सिटीले ३८ खेलमा ९३ अङ्क जोड्यो, दोस्रो स्थानको लिभरपुललाई एक अङ्कले पछि पार्न सफल भयो । लिभरपुलले ९२ अङ्क जोडेको हो । सिटी पाँच वर्षमा चौथो पटक उपाधि जित्न सफल भएको हो । 
यस्तै लिगको अन्तिम खेलमा नर्विच सिटीलाई ५–० गोलले हराउँदै टोटनह्याम हटस्परले यूईएफए च्याम्पियन्स लिगमा चौथो स्थान पक्का गरेको छ । टोटनह्यामसँगै म्यानचेस्टर सिटी, लिभरपुल र चेल्सीले पनि यूईएफए च्याम्पियन्स लिग खेल्नेछन् ।