विमान खोजीका लागि मौसम प्रतिकुल: नागरिक उड्डयन प्राधिकरण

१५ जेठ,पोखरा । आइतबार बिहान चालक दल ३ सदस्य सहित २२ यात्रु बोकेर पोखराबाट जोमसोमतर्फ उडेको तारा एयरको सम्पर्कविहीन विमानको खोजी कार्यमा मौसम प्रतिकूल रहेको नेपाल नागरिक उड्डयन प्राधिकरणले विज्ञप्ती मार्फत जनाएको छ।पोखरा विमानस्थलबाट जोमसोमका लागि ९ बजेर ५५  मिनेटमा उडान भरेको तारा एयरको टुबिन् अटर ९ एन इ टिए विमान सम्पर्कविहीन भएको हो। 

उक्त विमान मुस्ताङको लेते भिरमा पुगेर सम्पर्कविहीन भएको र खोजी कार्यका लागि पोखराबाट गएको फिस्टल एयरको हेलिकप्टर मौसम प्रतिकूलताका कारण फिर्ता भएको र काठमाडौं,पोखरा,जोमसोममा हेलिकप्टर स्ट्यान वाइ रहेको प्राधिकरणले जनाएको छ।प्राधिकरणले नेपाली सेना र नेपाल प्रहरीको टोली पैदल त्यस तर्फ प्रस्थान गरिसकेको जनाएको छ। उक्त विमानमा 

चालक दलमा विमान प्याप्टेन प्रभावकर घिमिरेले उडाएका थिए भने सहचालक उत्सव पोखरेल र एयर होस्टेज किस्मी थापा  रहेका थिए। त्यसैगरी विमानमा सवार  इन्द्र बहादुर गोले, पुरुषेत्तम गोले, राजन कुमार गोले, मिक ग्र्याट, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, युवी विल्नर र वैभवी बाण्डेकर रहेका थिए। जसमा ४ भारतीय,२ विदेशी,१३ नेपाली र  चालक दलका ३ सदस्य सहित कुल २२ जना सवार थिए।