मकवानपुर गोल्डकपः एपीएफ र पुलिस क्वार्टरफाइनलमा

२३ जेठ, हेटौंडा । हेटौंडामा जारी स्थानीय तह सहिद स्मृति मकवानपुर गोल्डकपमा विभागिय टोलीहरु सशस्त्र प्रहरीको एपीएफ क्लव र नेपाल पुलिस क्लव क्वार्टरफाइनलमा प्रवेश गरेका छन् । 
आइतबार दिउँसो भएको खेलमा खुमलटार युवा क्लबलाई हराउँदै नेपाल पुलिस क्लव क्वार्टरफाइनल प्रवेश गरेको छ । पुलिसले खुमलटार युवा क्लवलाई २–१ गोल अन्तरले हराएको हो । 
पुलिसको जितका लागि खेलको दोस्रो मिनेटमै अभिषेक रिजालले गोल गरेका थिए । यस्तै २३ औं मिनेटमा गोल गर्दै भरत शाहले अग्रता दोब्बर पारे । खुमलटारका लागि अजित लामाले ९० औं मिनेटमा गोल गरेपनि टिमलाई हारबाट जोगाउन सकेनन् । 
यसअघि आइतबार विहान भएको पहिलो खेलमा फ्रेण्ड्स क्लबलाई ३–० गोल अन्तरले हराउँदै सशस्त्र प्रहरीको एपीएफ क्लव क्वार्टरफाइनल प्रवेश गरेको हो । फ्रेण्ड्सका लागि नविन लामा, सविन गुरुङ र रवि थिङले गोल गरे । 
यही जेठ ३० गतेसम्म सञ्चालन हुने मकवानपुर गोल्डकपमा १२ क्लवको सहभागिता रहेको छ । प्रतियोगिताको विजेताले १५ लाख र उपविजेताले १० लाख रुपैयाँसहित ट्रफी प्राप्त गर्नेछन् । यस्तै सर्वोत्कृष्ट खेलाडीले बुलेट मोटरसाइकल तथा विधागत उत्कृष्ट खेलाडी र प्रशिक्षकले जनही नगद २५ हजार रुपैयाँ प्राप्त गर्नेछन् ।