एसियन कप छनोटः नेपाल जोर्डनसँग पराजित

२६ जेठ, हेटौंडा । एएफसी एसियन कप छनोटको तेस्रो चरण अन्तर्गत पहिलो खेलमा नेपाल जोर्डनसँग पराजित भएको छ । कुवेतको जाबिर अल अहमद स्टेडियममा बुधबार राति भएको खेलमा नेपाल जोर्डनसँग २–० गोल अन्तरले पराजित भएको हो ।
पहिलो हाफ गोलरहित बराबरीमा खेलेको नेपालले दोस्रो हाफमा दुई गोल व्यहोरेको हो । जोर्डनका जितमा अलि ओल्वनले खेलको ६९ औं मिनेटमा र हाम्जाले खेलको ८२ औं मिनेटमा पेनाल्टीमा गोल गरे ।
यस्तै पहिलो हाफमा जोर्डनले पाएको पेनाल्टि नेपालका गोलकिपर दीप कार्कीे उत्कृष्ट बचाउँ गरेका थिए । नेपालका लागि डेब्यु गरेका उनले खेलको ४३ औं मिनेटमा जोर्डनका मौसा मोहमद सुलेमानको पेनाल्टी बचाएका हुन् । 
नेपालका डिफेन्डर गौतम श्रेष्ठले मिडफिल्डर मोहमद फैजललाई पेनाल्टी बक्स भित्र लडाएपछि जोर्डनले पेनाल्टीको अवसर पाएको थियो । यस्तै नेपालका डिफेन्डर सुमन अर्यालले मोहमद सुलेमानलाई पेनाल्टी बक्सभित्र लडाएपछि जोर्डनले दोस्रो पटक पेनाल्टीको अवसर पाएको थियो ।
यस जितसँगै जोर्डनले पहिलो खेलमा ३ अंक जोडेको छ । नेपालले हारबाट छनोटको सुरुआत गरेको छ । छनोटको समूह ’ए’ मा रहेको नेपालले अब जेठ २८ गरे घरेलु टोली कुवेत र ३१ जेठमा इन्डोनेसियासँग खेल्नेछ । समूहको पहिलो र दोस्रो हुने टोलीले एसियन कपमा स्थान बनाउने छन् ।