स्थानीय तह निर्वाचनमा कांग्रेस पहिलो पार्टी भएको निस्कर्ष 

google

२६ जेठ, हेटौंडा । नेपाली काँग्रेसले गत वैशाख ३० गते भएको स्थानीय तहको निर्वाचनमा आफ्नो पार्टी पहिलो भएको निस्कर्ष निकालेको छ । 
नेपाली काँग्रेसको स्थानीय तह केन्द्रीय निर्वाचन परिचालन समिति अन्तर्गतको अनुगमन, मूल्याङ्कन तथा सुपरिवेक्षण उपसमितिले प्रतिवेदन सार्वजनिक गर्दै आफ्नो पार्टी पहिलो भएको निस्कर्ष निकालेको हो । 
काँग्रेस केन्द्रीय सदस्य एवं उपसमितिका संयोजक प्रदीप पौडेलले आजपार्टी सभापति शेरबहादुर देउवा र उपसभापति तथा निर्वाचन परिचालन समितिका संयोजक पूर्णबहादुर खड्कालाई छुट्टाछुट्टै रुपमा प्रतिवेदन बुझाएका छन् । 
निर्वाचनमा काँग्रेसको मुख्य प्राप्ति र निष्कर्ष समेटेर तयार पारिएको प्रतिवेदनले वडागत रुपमा मत विश्लेषण गर्दा मत र पद दुवैमाकाँग्रेस पहिलो भएको उल्लेख गरेको छ । 
काँग्रेसले ७ सय ५२ मध्ये ३ सय २९ पालिकामा ९ हजार १ सय ८८ अध्यक्ष र १ सय ४१ प्रमुख जितेको छ । यस्तै ३ सय पालिकामा ९ हजार १ सय ९० उपाध्यक्ष र १ सय १० उपप्रमुख काँग्रेसले जितेको प्रतिवेदनमा उल्लेख छ । काँग्रेसले अहिलेसम्म १ हजार ६ सय ६५ वडाध्यक्ष जितेको छ । 
काँग्रेसका वडा अध्यक्षका उमेदवारले पाएको मत ३८ लाख ८३ हजार १ सय ३८ रहेको छ । प्रदेशगत रुपमा पनि काँग्रेस पहिलो दल बनेको छ । काँग्रेसले गठबन्धन साथमा २ सय ९ मा उम्मेदवारी दिएकोमा १ सय २८ पालिका प्रमुख जितेको छ ।