विवेकशीलले मकवानपुर १ बाट उम्मेदवारी दिने

१४ कार्तिक, हेटौँडा । विवेकशील साझा पार्टीले मकवानपुर क्षेत्र नम्बर १ बाट आफ्नो उम्मेदवारी दिने भएको छ । विवेकशीलले क्षेत्र नम्बर १ को प्रतिनिधिसभाको प्रत्यक्षतर्फ उम्मेदवारी दिने जनाएको हो । 
सरोज कोइरालालाई उम्मेदवार बनाउने निर्णय गरेको विवेकशील जिल्ला निर्वाचन परिचालन समितिका संयोजक महेश पाठकले बताए । कोइरालाले नर्वेको नर्वेजियन युनिभर्सिटी अफ लाइफ साइन्सबाट अन्तराष्ट्रिय पर्यावरण तथा विकास अध्ययन विषयमा स्नातकोत्तर गरेका छन् । २७ वर्षीय कोइराला उत्तरी युरोप तथा पूर्वी–अफ्रिकाका देशहरूमा वातावरण तथा विकास सम्बन्धि अध्ययन अनुसन्धानहरु गरेका छन् । 
२०७२ को भुकम्पमा सिन्धुपाल्चोक, गोर्खा, लगायत जिल्लामा सक्रिय राहत वितरणमा संलग्न उनी हाल नेसनल सेन्टर फर इन्भारोमेन्टल डेभलपमेन्टका कार्यकारी निर्देशक हुन् । उनले शहरी क्षेत्रको योजनाबद्ध तथा दिगो विकासको निम्ति चिरस्थायी पुर्वाधार निर्माण गर्ने, शहरी क्षेत्रको फोहोर मैलाको वैज्ञानिक व्यवस्थापन गर्ने र मकवानपुरलाई नेपालकै सफा सुन्दर र हरियालीयुक्त आधुनिक क्षेत्रको रुपमा विकशित गर्ने ठोस योजना र कार्यक्रमहरु बनाएका छन् । 
युवाहरूलाई उद्यमशील बन्न प्रेरित गरी बेरोजÞगारी र वैदेशिक रोजÞगारीको बाध्यतालाई अन्त्य गर्ने र विदेश पलायन भएका युवाहरूलाई आफ्नो देश फर्किने वातावरण बनाउने सोच उनको रहेको छ ।