हेटौंडामा क्यान इन्फो–टेक (सुचना प्रविधि) मेला हुने

१८ फागुन, हेटौंडा । कम्प्युटर एसोसियशन नेपाल महासंघ, मकवानपुरको आयोजनामा यहि चैत्र २ गतेदेखि ६ गतेसम्म हेटौंडामा क्यान इन्फो–टेक (सुचना प्रविधि) मेला हुने भएको छ । 
बागमती स्तरीय मेलाको बारेमा मंगलबार हेटौंडामा पत्रकार सम्मेलन गर्दै आयोजकले जानकारी दिएको हो । मेला हेटौंडा उपमहानगरपालिका वडा नम्बर ४ स्थित रोयल पार्टी प्यालेसमा मेला हुने मेलाका संयोजक एवं क्यानका बागमती प्रदेश अध्यक्ष पुष्पराज पुडासैनीले बताए ।
प्रविधिको बढ्दो प्रयोगलाई ध्यानमा दिदैँ नयाँ प्रविधिको विकास र यसको उपयोगको बारेमा जानकारी दिने उद्देश्यले मेलाको आयोजना गर्न लागिएको मेलामा कम्प्युटर तथा यसका हार्डवेयर, प्रिन्टर, विविध सफ्टवेयर, सर्भिसिङ क्याम्प, एप्लिकेसन डिजाइन, वीमा लगायतका प्रर्दशनी र विक्री कक्ष गरि ४० वटा स्टल रहने संयोजक पुडासैनीले जानकारी दिए । 
यस्तै मेलामा कृषिमा प्रविधिको प्रयोग, नेटवर्कीङ र सिसि टिभी सम्बन्धि तालिम, शिक्षक, विद्यार्थी तथा युवालक्षित साइबर सुरक्षा जस्ता ३ वटा आइसिटी सेमिनार समेत सञ्चालन गरिने जनाइएको छ । साथै मेलाको आकर्षणको रुपमा राष्ट्रिय रोबोट प्रदर्शनी र राष्ट्रिय पबजी प्रतिस्पर्धाको समेत आयोजना गरिने आयोजकले जनाएको छ ।
दुई बिद्यामा हुने रोबोट प्रतिस्पर्धा र पबजी प्रतिस्पर्धामा प्रथम, द्वितिय र तृतिय हुनेलाई क्रमश २५ हजार, १५ हजार र १० हजार पुरस्कार प्रदान गरिने मेलका संयोजक पुडासैनीले बताए । 
१ लाख ५० हजारभन्दा बढीले अवलोकन गर्ने अपेक्षा रहेको मेलामा प्रवेशका लागी सर्वसाधरणलाई २५ रुपैयाँ र विद्यार्थीको लागी १० रुपैयाँको टिकेटको व्यवस्था गरिएको आयोजकले जनाएको छ ।