महायज्ञमा ४२ लाख संकलन

११ मंसिर, चौघडा । हेटौडा–१६ रामनगरमा श्रीराम जानकी मन्दिरको भौतिक संरचना एवम धार्मिक जागरणको लागि लगाईएको श्रीमदभागवत सप्ताह श्री राम नाम लक्ष हवन धान्याचल ज्ञान महायज्ञमा ४२ लाख रुपैयाँ संकलन भएको छ । सप्ताह ज्ञान महायज्ञमा मुल समारोह समितिका संयोजक शिवप्रसाद नेपालले ३ धुर जग्गा दान गरेका थिए ।
सप्ताहमा भरतबहादुर रोक्काले २ लाख १ हजार, धनबहादुर कार्कीले १ लाख ३५ हजार, नवराज दुलालले १ लाख ३१ हजार, होमनाथ गौतमले १ लाख ३० हजार, महारुद गौतमले १ लाख ५ हजार, डिल्लीप्रसाद गौतमले १ लाख ५ हजार,हेटौडा १६ नम्वर वडासमितिले १ लाख १ हजार,गोपीकृष्ण नेपालले ७० हजार सहयोग गरेका थिए ।
यसैगरी सीतादेवी भण्डारीले ६६ हजार, गोपालप्रसाद अधिकारीले ६५ हजार, टिकाप्रसाद गौतमले ६१ हजार, अच्युतकुमार लुईटेलले ५५ हजार, बसन्त लामिछानेले ५५ हजार, शम्भुप्रसाद नेपालले ५५ हजार, शिक्षा सापकोटाले ५५ हजार, १६ नम्वरका वडा अध्यक्ष रामकृष्ण कोईरालाले ५२ हजार, श्रवण मिश्रले ५२ हजार, केदारप्रसाद रिजालले ५१ हजार, टिकाराम गौतमले ५१ हजार दान गरेका थिए । महायज्ञमा एक सय क्वीन्टल धान संकलन, ३४ जनाले रक्तदान र बटुकहरुको सामुहिक ब्रतबन्ध गरिएको महायज्ञ मुल समारोह समितिका सदस्य राजकुमार बास्तोलाले बताए ।
हेटौडा उपमहानगरपालिकाका मेयर हरिबहादुर महतको प्रमुख आतिथ्यतामा सम्पन्न भएको महायज्ञमा हेटौडा–१६ का वडा अध्यक्ष रामकृष्ण कोईराला,१७ का वडा अध्यक्ष भैरबबहादुर राई, जनप्रिय मावि विद्यालय व्यवस्थापन समिति अध्यक्ष लोकनाथ चौलागाई,प्रचारप्रसार उपसमितिका सदस्य घमराज तिमल्सिना लगायतकाले मन्तव्य व्यक्त गरेका थिए ।
मंसिर ३ गतेदेखि संचालन भएको सप्ताह ज्ञान महायज्ञमा युवापण्डित बद्री विशाल शास्त्रीले कथावाचन गरेका थिए । समापन समारोहमा सहयोग गर्ने महानुभावलाई सम्मान समेत गरिएको थियो ।