जनप्रियका पूर्व विद्यार्थीहरुले दिए विद्यालयलाई ६ वटा फिल्टर

२८ जेठ, हेटौंडा । हेटौंडा-१६ मा रहेको जनप्रिय माविका पूर्व विद्यार्थीहरुले आइतबार विद्यालयलाई ६ वटा खानेपानी फिल्टर प्रदान गरेका  छन् । एसएलसी व्याच २०६८ को समूहले विद्यालयलाई फिल्टर हस्तान्तरण गरेको हो । 
विद्यार्थी समुहका संयोजक रुपक विकको सभाध्यक्षाता तथा हेटौंडा उपमहानगरपालिका वडा नं. १६ का अध्यक्ष रामकृष्ण कोईरालाको प्रमुख आतिथ्यतामा कार्यक्रम सम्पन्न भएको हो । आफू पढेको समयमा विद्यालयमा पानीको व्यवस्थापन हुन नसक्दा विद्यालय नै बन्द गर्नुपरेको ती विद्यार्थीहरुले स्मरण गरे । कम्तिमा आफ्नो कमाईबाट केही रकम छुट्याएर भएपनि शुद्ध पानी आपूर्तीका लागि त्यस्तो अभाव हुन नदिन पूर्व विद्यार्थीको यो समुहले फिल्टर हस्तान्तरण गरेको बताएको छ । 
प्रमुख अतिथी कोईरालाले विद्यार्थीको कार्य प्रति खुसी व्यक्त गरेका छन्। 
कार्यक्रममा विद्यालय व्यवस्थापन समितका अध्यक्ष रमेशप्रसाद खतिवडाको विशेष आतिथ्यता रहेको थियो । अतिथिहरु व्यवस्थापन समिति सदस्य कृष्णप्रसाद पनेरु, विद्यालयका प्रअ भुपेन्द्र चौलागाई, जनप्रिय बहुमुखी क्याम्पसका प्रमुख डा विजय नेपाल, लगायतले शुभकामना मन्तव्य व्यक्त गरेका थिए ।
कार्यक्रममा प्रधानाध्यापक चौलागाईँले पूर्व विध्यार्थीहरु समग्र विद्यालयकै प्रतिविम्व भएकोले उनीहरुको अभियानमा प्रतिवद्ता जनाउँदै आफ्नो तर्फबाट पनि १ थान फिल्टर थप गरिएको जानकारी गराए । क्याम्पस प्रमुख नेपालले समेत थप १ थान फिल्टर सहयोग गरी विद्यालयलाई जम्मा ६ थान फिल्टर प्राप्त भएको हो । 
कार्यक्रममा विव्यस अध्यक्ष रमेशप्रसाद खतिवडाले आफ्ना सन्तान पनि यसै विद्यालयका पूर्व विद्यार्थी भएकाले १ थान फिल्टर आफ्नो तर्फबाट थप गर्ने घोषणा समेत गरेका छन् ।