शुक्रबारबाट हुने मेलामा के छ आकर्षण (पढ्नुस्)

६ पुस, हेटौंडा । सुमन भोम्जन स्मृति खेलकुद प्रतिष्ठान र औधोगीक शान्ति नेपाल संस्थाको आयोजनामा शुक्रबारबाट हेटौडाको भुटनदेबी पार्कमा खेलकुद तथा व्यापार महोत्सव शुरु हुन लागेको छ । 
प्रमुख जिल्ला अधिकारी चक्र बहादुर बुढाले कार्यक्रमको शुभारम्भ गर्ने प्रतिष्ठानका अध्यक्ष भेष खड्गीले विहिबार मेलास्थलमा आयोजित पत्रकार सम्मेलनमा जानकारी दिए । कार्यक्रममा खाना, खेलकुद सामाग्री, कपडा लगायतका ३ सय १४ वटा स्टल रहने प्रतिष्ठानका महासचिव सविन न्यौपानेले बताए । उनका अनुसार विगतमा भन्दा मेलालाई व्यवस्थित बनाउने काम गरिएको बताउँदै मेलामा गुणस्तरीय सामान र खानाका परिकार उपलव्ध हुनुका साथै मूल्यमा पनि विशेष सहुलियत प्रदान गर्न व्यवसायीलाई आग्रह गरिएको छ । 
स्थानीय कलाकारलाई प्राथमिकता दिंदै राष्ट्रिय स्तरका कलाकारहरु कोमल ओली, प्रमोद खरेल, शिवपरियार, हेमन्त शर्मा, ज्योति मगर, राधिका हमाल, द एक्स व्याण्ड, भद्रगोल हास्य टेलिश्रृंखलाको टिमसहितका कलाकार आउने औधोगीक शान्ति नेपाल सस्ंथाका अध्यक्ष सन्दिप महत्तले जानकारी दिए । मेला अवधिमा फेसन सो र एकल गायन प्रतियोगिताका साथै अञ्चलस्तरीय कराँते प्रतियोगिता, उसुको प्रर्दशन, कव्वडी र बक्सिङ प्रतियोगिता हुने आयोजकको भनाई छ ।

पत्रकार सम्मेलनमा खेलकुद प्रतिष्ठानका अध्यक्ष भेष खड्गी, महासचिव सविन न्यौपाने, सल्लाहकार प्रताप विष्ट, नेपाल पत्रकार महासंघ मकवानपुरका अध्यक्ष हरि हुमामाई, पूर्व अध्यक्ष भानुभक्त आचार्य, प्रेस संयोजक गणेशदर्पण अधिकारी लगायतको सहभागिता रहेको थियो । टिसिएन पछाडिको भुटनदेवी पार्कमा हुने मेला पुस १८ गतेसम्म संचालन हुनेछ ।