नारायणी यातायात व्यवसायी संघमा हिरालाल श्रेष्ठको उम्मेदवारी घोषणा 

१८ पुस, हेटौँडा । नारायणी यातायात व्यवसायी संघको आगामि कार्यकालको लागि हिरालाल श्रेष्ठले उम्मेदवारी घोषणा गरेका छन । मंगलबार हेटौँडामा भएको पत्रकार सम्मेलन मार्फत श्रेष्ठले प्यानलसहित उम्मेदवारी घोषणा गर्नुभएको हो ।
केही दिनअघि मात्र संघका वर्तमान अध्यक्ष बद्रि चौलागाईले घोषणा गरेको उम्मेद्वारीलाई बिस्थापन गर्दै श्रेष्ठले सोही प्यानलबाट उम्मेदवारी घोषणा गरेका हुन । 
श्रेष्ठको प्यानलमा वरिष्ठ उपाध्यक्षमा किरण कटुवाल, उपाध्यक्षमा विष्णु बिडारी, महासचिवमा सरोजकुमार खनाल, कोषाध्यक्षमा राजेश खड्गी, सचिवमा ठाकुरनाथ सुवेदी, देवनारायण लामिछाने (भिमसेन), गुणराज घिमिरे र सुरज खड्गी र सहकोषाध्यक्षमा कपिलबहादुर बानियाँ रहेका छन् । 
त्यस्तै यात्रुबहाक सदस्यमा डम्बरबहादुर गोपाली,ट्यांकर सदस्यमा केशवकुमार उप्रेती र सदस्यहरुमा कुमार वर्तौला, विश्वराज राई,पुरुषोत्तम पुडासैनी, विष्णुलाल श्रेष्ठ, भिमप्रसाद बास्तोला र इन्द्रबहादुर भ्लोन रहेका छन् । श्रेष्ठको प्यानलबाट क्षेत्रीय उपाध्यक्षका लागि चितवनबाट अशोक कुमार पोखरेल, क्षेत्रीय सहसचिवका लागि चितवनबाटै विष्णुप्रसाद पंगेनी, क्षेत्रीय यात्रुबहाक सदस्यका लाति चितवनबाटै कमल शाह, क्षेत्रीय उपाध्यक्ष विरगंजबाट विनोदकुमार मानन्धर,क्षेत्रीय सदस्य विरगंजका लागि सोमबहादुर पोखरेल, क्षेत्रीय उपाध्यक्ष काठमाडौँका लागि श्रीकृष्ण खनाल र क्षेत्रीय सदस्य काठमाडौँका लागि पुरुषोत्तम रिजालको नाम घोषणा गरिएको छ । 
संघमा अध्यक्षका लागि सोमबार नै पूर्व अध्यक्ष एवम् हेटौँडा उपमहानगरपालिका वडा नम्बर ११ का अध्यक्ष समेत रहेका गोकर्ण पराजुलीले समेत प्यानलसहित उम्मेदवारी घोषणा गरेका थिए ।