राजदेवी दुग्ध सहकारीको साधारणसभा सम्पन्न

२५ पुस, हेटौडा । हेटौडा–१७, राजदेवीमा रहेको राजदेवी दुग्ध उत्पादक सहकारी संस्थाको २९ औं वार्षिक साधारणसभा बुधवार सम्पन्न भएको छ । हेटौडा उपमहानगरपालिका वडा नम्बर १७ का वडा सदस्य नवराज न्यौपानेको प्रमुख आतिथ्यता एवम सहकारीका अध्यक्ष राम प्रसाद तिमल्सिनाको सभाध्यक्षतामा साधारणसभा सम्पन्न भएको हो ।
साधारणसभामा संस्थाका अध्यक्ष तिमल्सिनाले संस्थागत प्रतिवेदन, लेखा समिति सदस्य भीम प्रसाद अधिकारीले लेखा समितिको प्रतिवेदन, ऋण उपसमिति संयोजक टीका कार्कीले ऋण उपसमितिको प्रतिवेदन र शिक्षा उपसमिति संयोजक सरस्वती पुडासैनीले शिक्षा उपसमितिको प्रतिवेदन र ब्यवस्थापक घनश्याम दाहालले आव ०८०÷०८१ को लागि ७ करोड ११ लाखको अनुमानित आयव्यय विवरण पेश गरेका थिए । साधारणसभामा बढी दूध विक्री गर्ने मेनुका बजगाई, टीका कार्की, विषम बहादुर कार्की, गुस्तरीय दूध विक्री गर्ने मिलनराज भण्डारी, दुर्गा प्रसाद चौलागाई, उत्कृष्ट कारोवारीमा मेनुका बजगाई र लेखनाथ पराजुलीलाई पुरस्कृत गरिएको थियो ।
साधारणसभामा जिल्ला संघ प्रतिनिधि दिब्यराज धमला, राजदेवी बचत तथा ऋण सहकारीका अध्यक्ष मधुसुदन न्यौपाने,अशोक सामुदायिक वनका अध्यक्ष रमेश कुमार राई, राजदेवी मीनदर ब्यवस्थापन समिति अध्यक्ष कृष्ण प्रसाद नेपाल, राजदेवी टोल विकास संस्था अध्यक्ष युद्धविक्रम थापा, अशोक टोल विकास संस्था अध्यक्ष सुमनलाल श्रेष्ठ, सल्लाहकार चुनुदेवी धमला, अर्जुन प्रसाद तिमल्सिना, सञ्चारकर्मी भीमसेन पौडेल लगायतको उपस्थिति रहेको थियो । ३ सय ७५ जना शेयर सदस्य रहेको यो सहकारीले आव. ०७९÷०८० मा ३ करोड ५ लाखको दूध विक्री गरेको छ ।