जिल्ला दुग्ध संघमा पुनः अधिकारी

२७ पुस, हेटौँडा । मकवानपुर जिल्ला दुग्ध उत्पादक सहकारी संघमा पुन ः बासुदेव अधिकारी अध्यक्षमा सर्वसम्मत चयन भएका छन । 

संघको विहिवार सम्पन्न भएको २५ औं वार्षिक साधारण सभाले अध्यक्षमा अधिकारी र उपाध्यक्षमा धर्मराज लामिछानेलाई सर्वसम्मत चयन गरेको । त्यसैगरी, सदस्यमा कृष्णप्रसाद घिमिरे, हरि हुमागाई, होमनाथ पुडासैनी, हरिप्रसाद कँडेल, ईन्द्रबहादुर बस्नेत, सुदिप अर्याल, सावित्रि तिमल्सिना र योगमाया न्यौपाने पनि सर्वसम्मत चयन भएका छन् । भेलाले ईन्द्रप्रसाद खतिवडा संयोजक, राजेन्द्र ढुंगाना र रमेश वर्तौला सदस्य रहेको लेखा सुपरिवेक्षण समिति पनि सर्वसम्मत चयन भएका छन् । 

यसअघि साधारण सभाको उदघाटन सत्रमा संघका अध्यक्ष अधिकारीले संस्थागत प्रतिवेदन, लेखा सुपरिवेक्षण समितिका संयोजक तोयानाथ दाहालले लेखा समितिको प्रतिवेदन र व्यवस्थापक कुमारमणी दहालले चालु आव ०७४/०७५ को लागि ४६ करोड ८५ लाखको अनुमानित आयव्यय विवरण प्रस्तुत गरेका थिए । संघले अघिल्लो आवमा ४३ करोड १६ लाखको कारोवार गरेको थियो । 

प्रदेशसभा सदस्य डोरमणी पौडेलको प्रमुख आतिथ्यतामा भएको साधारण सभामा मकवानपुरगढी गाउँपालिका अध्यक्ष विदुर हुमागाई, राष्ट्रिय सहकारी महासंघका केन्द्रीय सदस्य बद्रीप्रसाद लम्साल, केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटा, डिभिजन सहकारी कार्यालयका प्रमुख तिलकराम पोखरेल, जिल्ला बचत तथा ऋण सहकारी संघकी अध्यक्ष राधा सिङतान, हेटौडा दुग्ध वितरण आयोजनाका आयोजना प्रमुख गणेशकुमार यादव, कृषि विकास बैक हेटोडा शाखाका अच्युत ढुङगाना लगायतकाले मन्तव्य व्यक्त गरेका थिए । 

संघमा जिल्लाका ४९ सहकारी संस्था आवद्ध छन् ।