नारायणी यातायात व्यवसायी संघमा हिरालाल विजयी

 २९ पुस, हेटैाँडा । यातायात व्यवसायीको ठुलो संस्था नारायणी यातायात व्यवसायी संघको बिहीबार सम्पन्न निर्वाचनको मतगणना शनिबार सम्पन्न भएको छ । २ हजार ४ सय ८५ मत खसेको संघमा अध्यक्षका उम्मेदवार  हिरालाल श्रेष्ठले १ हजार ३ सय ८२ मत प्राप्त गरी विजयी भएका छन् । उनले प्र्रतिष्पर्धी गोर्कण पराजुलीलाई ३ सय २८ मतले पराजित गरेका हुन् । पराजुलीले १ हजार ५४ मत प्राप्त गरेका छन् ।

यस्तै बरिष्ठ उपाध्यक्षमा किरण कटुवालले १ हजार ३ सय मत प्राप्त  गरी विजयी भएका छन भने अर्का प्रस्यासी सुबास पौडेलले १ हजार ७५  मत प्राप्त  गरेका छन । उपाध्यक्ष हेटौँडमा बिष्णु बिडारीले १ हजार ४ सय  ४७ मत प्राप्त गरी विजयी भएका छन ।  अर्का प्रस्यासी दिपक सिबाकोटीले ९ सय ९ मत ल्याएका छन । उपाध्यक्ष भरतपुरमा अशोक पोखरेल, उपाध्यक्ष बीरगंजमा विनोदकुमार मानन्धर, उपाध्यक्ष काठमाण्डौंमा श्रीकृष्ण खनाल विजयी भएका छन् ।

महासचिबमा सरोज खनालले १ हजार ५ सय ९४  मत प्राप्त गरी विजयी भएका छन भने  प्रतिष्पर्धी ध्र्रुव प्रसाद विडारीले ७ सय ८३  मत पाएका छन् । यस्तै कोषाध्यक्षमा राजेश खड्गीले १ हजार ४ सय ४७  मत मत प्राप्त गरी विजयी भएका छन भने प्रस्यासी  किरण पौडेल ९ सय २६ मत प्राप्त गरेका छन  ।

यस्तै खुल्ला सचिबमा शालिकराम ढकाल १ हजार २ सय १५  र ठाकुराम सुबेदी ९ सय ९२ मत प्राप्त गरी विजयी भएका छन  भने यात्रुबहाक सचिबमा शंकर घिमिरे (गुणराज) १ हजार ३ सय७२ मत प्राप्त गरी विजयी भएका छन भने  मालबहाक सचिबमा शुरेस खड्गी १ हजार ४ सय २४ र सह कोषाध्यक्षमा कपिल बानिया  १ हजार १ सय ७० मत प्राप्त गरी विजयी भएका छन् ।

सदस्यहरुतर्फ बीरगंज सदस्य खुल्लामा श्यामप्रसाद उप्रेति, काठमाण्डौं खुल्लामा पुरुषोतमप्रसाद रिजाल र रमेश खत्रि, ट्यांकरतर्फ केशवकुमार उप्रेति, यात्रुवाहक हेटौँडामा डम्बरबहादुर गोपाली, हेटौँडा खुल्लामा अभिनाश गजुरेल, ईन्द्रकुमार भ्लोन, कुमार वर्तौला, तिलकबहादुर कार्की, पुरुषोतम पुडासैनी, भीमप्रसाद बास्तोला रहेका छन् ।