१९ गतेबाट नागस्वतीमा संस्कृति प्रवद्र्धन मेला हुने

१८ बैशाख, हेटौंडा । यही बैशाख १९ गतेबाट हेटौंडा ७ नागस्वतीमा ११ दिने संस्कृति प्रवद्र्धन मेला सञ्चालन हुने भएको छ । नागस्वती युवा क्लवको आयोजनामा यही १९ देखि ३० गतेसम्म हेटौंडा ७ बेलीब्रिज स्थित नागस्वतीमा संस्कृति प्रवद्र्धन मेलाको आयोजना गर्न लागिएको आयोजकले पत्रकार सम्मेलनमार्फत जानकारी दिएको छ । 
नागस्वती युवा क्लबले स्थानीय संस्कृति प्रवद्र्धन तथा कृषि प्रदर्शनी गर्ने उद्देश्यले मेलाको आयोजना गर्न लागेको जानकारी दिएको हो । हेटौंडा उपमहानगरपालिकाका उपमेयर राजेश बानियाँले मेलाको उद्घाटन गर्ने आयोजकले जनाएको छ । 
मेलामा मकवानपुर जिल्लाका विभिन्न स्थानबाट कृषि प्रदर्शनीहरू राखिने र स्थानीय कृषकहरूलाई प्रोत्साहन गर्नका लागि विशेष कार्यक्रमहरू समावेश गरिने आयोजकले जनाएको छ । मेलामा स्थानीय संस्कृतिसँग सम्बन्धित विभिन्न कला, संगीत तथा नाचको प्रस्तुती हुनेछन् । 
मेला अवधिभर राष्ट्रिय चर्चित कलाकार धुर्मुस सुन्तली, प्रताप दास, प्रिती आले, शान्तिश्री परियार, प्रमोद खरेल लगायतको प्रस्तुती रहने आयोजकले जनाएको छ । 
मेलामा स्थानीय संस्कृतिसँग सम्बन्धित विविध कला, संगीत र नाचका कार्यक्रमहरू रहनेछ । पहिलो र दोस्रो दिन निःशुल्क प्रवेश रहने मेलामा अन्य दिनहरूमा भने शुल्क लिइने क्लबले जनाएको छ ।