किसान दुग्ध सहकारीको साधारण सभा

६ माघ, हेटौँडा । हेटौडा–१७ हटियामा रहेको किसान दुग्ध उत्पादक सहकारी संस्थाको २७ औं वार्षिक साधारण सभा शनिवार सम्पन्न भएको छ ।
साधारणसभामा संस्थाका अध्यक्ष बद्रीप्रसाद भण्डारीले संस्थागत प्रतिवेदन, लेखा समितिका सदस्य चुडामणी रुपाखेतीले आर्थि प्रतिवेदन, ऋण उपसमितिका संयोजक उत्सवप्रसाद भट्टराईले ऋण उपसमितिको प्रतिवेदन र व्यवस्थापक देवराज अधिकारीले लेखा परिक्षण प्रतिवेदन प्रस्तुत गरेका थिए । संस्थाले अघिल्लो आर्थिक वर्षमा ५ करोड ४७ लाखको कारोवार गरेको थियो भने यस आर्थिक वर्षमा ६ करोड ७२ लाखको कारोवार गर्ने लक्ष्ण राखेको छ ।
भेलामा बढी दूध विक्री गर्ने कल्पना रेग्मी र तारानाथ रिजाल, गुणस्तरीय दूध विक्री गर्ने बाबुराम मोक्तान र रोमप्रसाद ढकाल, उत्कृष्ठ ऋणीमा माधवप्रसाद रिजाल र उत्कृष्ठ विद्याथीमा सुविना चापागाईलाई सम्मान गरिएको थियो ।
मकवानपुर जिल्ला सहकारी संघका अध्यक्ष बद्रीप्रसाद लम्सालको प्रमुख आतिथ्यता एवम संस्थाका अध्यक्ष बद्रीप्रसाद भण्डारीको अध्यक्षतामा साधारणसभा भएको थियो । साधारणसभामा हेटौडा–१७ का वडा अध्यक्ष भैरब बहादुर राई, १६ का वडा अध्यक्ष रामकृष्ण कोईराला, मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी,अंगारेश्वर दुग्ध उत्पादक सहकारी संस्थाका अध्यक्ष भोलानाथ रुपाखेती,संस्थाका सल्लाहकार ध्रुवप्रसाद धिताल, लेखा स्रयोजक निर्मल देवकोटा, शेयर सदस्य छविलाल सुवेदी, गीता रिजाल लगायतकाले मन्तव्य व्यक्त गरेका थिए ।