गौरीटारमा कर्भडहल शिलान्यास

१९ माघ, हेटौँडा । हेटौँडा–६ गौरीटारमा रहेको केन्द्रिय खेलकुद प्रतिष्ठान परिसरमा कर्भडहलको शिलान्यास भएको छ । राष्ट्रिय खेलकुद परिषदका सदस्य सचिव केशव कुमार विष्टले हलको शिलान्यास गरेका हुन् ।
मार्सल आर्टका सवै खेलहरुको अभ्यास हुने गरि कर्भडहल निमार्ण हुन लागेका जिल्ला खेलकुद विकास समिति मकवानपुरले जानकारी दिएको छ । १५० फिट लम्वाई र  ६० फिट चौडाइको हल निमार्णका लागि करिव एक करोड लागत अनुमान गरिएको परिषद सदस्य सचिव विष्टले जानकारी दिए । यो आर्थिक वर्ष भित्र निमार्ण सम्पन्न गर्ने गरि काम गर्ने जिल्ला खेलकुद विकास समितिका अध्यक्ष माधव तिमल्सिनाको भनाई छ । 
आगामी जेठ महिनावाट एसियन गेममा सहभागि हुने तीन टीमका खेलाडीहरुलाई गौरीटारमा निमार्ण भएको होष्टलमा राखेर अभ्यास गर्ने ठाउँका लागि कभर्डहल निर्माण गर्न लागिएको सदस्य सचिव विष्टले जानकारी दिए । निमार्ण हुदै गरेको केन्द्रिय प्रतिष्ठानमा अब स्र्पोट्स युनिभर्सिटीका रुपमा प्रस्ताव गरिको जानकारी दिंदै सरकारले छिटै स्विकृत गर्ने विष्टले विश्वास गरे ।
गौरिटारमा अन्य खेलका खेलाडीहरुलाई पनि नियमित अभ्यास गर्नका लागि चौरमा रहेको झाँडी फडानी गर्ने काम पनि थालिएको समितिका प्रमुख राजन दाहाल खुशराजले जानकारी दिए । जिल्लामा रकम निकासा हुना साथ कर्भडहल निमार्णको काम थालिने समितिले जनाएको छ  ।