वार्षिकोत्सवमा दूध बोक्ने क्यान वितरण

२२ माघ, चौघडा । हेटौडा–१७, राजदेवीमा रहेको राजदेवी दुग्ध उत्पादक सहकारी संस्थाले वार्षिकोत्सवको अवसरमा दूध बोक्ने भाँडा (क्यान) वितरण गरेको छ । 
सहकारी संस्थाको २३ औं वार्षिकोत्सवको अवसरमा सोमवार एक कार्यक्रमको आयोजना गरी संस्थाका १ सय ७१ जना शेयर सदस्यहरुलाई भाडा वितरण गरेको हो । संस्थाको स्वीकृत वार्षिक कार्यक्रम अनुसार १ लाख ३० हजार रुपैयाँ बराबरको भाडा वितरण गरिएको संस्थाका व्यवस्थापक घनश्याम दाहालले बताए । कार्यक्रममा संस्थाका पूर्व अध्यक्ष चोपलाल धमला र गोठ सफा राख्ने शान्तिराम गौतमलाई सम्मान गरिएको थियो । सो अवसरमा पशु वीमा सम्वन्धि छलफल समेत गरिएको थियो ।
सबैलाई १० लिटरको क्यान प्रदान गरि समानुपातिक वितरणको थालनी गरिएको संस्थाले जनाएको छ । हेटौडा १७ का वडा अध्यक्ष भैरबबहादुर राईको प्रमुख आतिथ्यता एवम संस्थाका अध्यक्ष रामप्रसाद तिमल्सिनाको अध्यक्षतामा कार्यक्रम भएको हो । कार्यक्रममा हेटौडा १७ का वडा सदस्य भीमप्रसाद अधिकारी, राजदेवी मावि विद्यालय व्यवस्थापन समिति अध्यक्ष दिव्यराज धमला, प्रधानाध्यापक सानुकाजी पाण्डे, राजदेवी सहकारीका उपाध्यक्ष रामप्रसाद भट्ट,प्रतिभा चौलागाई,चुनदेवी अर्याल लगायतकाले मन्तव्य व्यक्त गरेका थिए ।