हेटौँडामा टाटा मोर्टसको ‘च्याम्पियन जोन’

१ फागुन, हेटौँडा । टाटा मोटर्सले मंगलबार हेटौंडामा १३ औं 'च्याम्पियन जोन' स्थापना गरेको छ । यातायात व्यवसायी उपभोक्ता सहकारी संस्था लिमिटेडले गरेको कार्यक्रममा टाटाका आईभी प्रमुख जयदिप मटकरले च्याम्पियन जोनको उद्घाटन गरेका हुन् । 
कार्यक्रममा सिप्रद्धीले टाटा गुरु गणेश बानियाँ, रमेश थिङ र बाबु स्याङ्तानलाई सम्मान गरेको थियो । सहकारीका अध्यक्ष किरण पौडेलको सभाध्यक्षतामा भएको कार्यक्रममा सिप्रद्धी अटो प्रालिका सहायक महाप्रबन्धक युवराज बुढाथोकीले यातायात व्यवसायीलाई टाटा मोटर्सका स्पेयर पार्टस् सहज र सरल रुपमा उपलब्ध गराउन च्याम्पियन जोनको स्थापना गरेको बताए । सहकारी संस्थाबाट दैनिक १८ घण्टा यातायात व्यवसायीले गुणस्तरीय स्पेयर पार्टस् सहज रुपमा खरिद गर्न सक्ने व्यवस्था मिलाइएको बताइएको छ । 
कार्यक्रममा नारयणी यातायात व्यवसायी संघका पूर्बअध्यक्ष गोकर्ण पराजुलीले अटो हवको रुपमा रहेको हेटौंडामा ८० प्रतिशत टाटा कम्पनीका सवारीसाधन चलिरहेको भएपनि स्पेयर पार्टस् सहज रुपमा उपलब्ध हुन नसकेको गुनासो गरेका थिए । सहकारीले वार्षिक २ करोड ५० लाख रुपैयाँभन्दा बढीको मोटर पार्टस् बिक्री गरिरहेको सहकारीका अध्यक्ष पौडेलले बताए ।